被堆中的Panda

今晚，在睡房上網時，見背後的寶貝仔好夢正酣，實在太可愛啦，不得不拿起相機來，又同牠影番幾張先

手仔

正面的傻瓜

真係瞓著架

睡在２張被中間

亞ＤＡ，你昨晚做賊黎咩

 

久違了的住家飯

自從轉了工作崗位後，因放工時間不定，故此已甚少在家煮飯仔了。今天，本應約好了去攻打四方城的，但怎知昨天收到老板通知，話星期六要番工，收工時間，還要事乎情況而定。就係咁樣，我的四方城散哂呢。

今天，都唔知係好彩定唔好彩，上午十一時可收工。頂，半天吊，叫番Ｄ腳又好似玩野咁，神係我，鬼又係我，玩，唔玩，跟住又玩。未比人媽過咩，所以，唯為番歸玩煮飯仔囉。

今晚，菜單是：

１－煙鴨胸炒四季豆

２－澳洲大肉蟹蒸肉碎蛋

３－蒸海狼咸魚（Panda爸上次去南油時，船家送的）

 

中午，見到寶貝仔瞓覺豬，影底佢個貓樣先

 

南油芝麻斑之延續篇

今晚大概七時三十分到達朋友家中，品嚐她的撚手小菜，每樣餸的賣相，同街外的，不相伯仲呢佩服，佩服

首先，回顧吓條芝麻斑的樣貌先

西芹炒斑片，斑片肉質嫰滑，配上西芹的爽口，簡直

無得彈呀

再黎一碟煎斑頭腩，成碟都好好味，讚呀

跟住整番碟清妙波菜，有纖維，正。

數字排骨，我想好多網友都整過。

蒜泥乾葱煎大蝦碌，肉質爽脆，我Panda媽忍不住口食了二大隻呢　今晚我還吃了二碗飯呢

睇怕番歸，又要努力踩運動器材先至得啦

最後，點少得的飯後果呀。有馬來西亞西瓜，日本波蘿和日本一級士多啤莉。樣樣都好好食。

在這裡，衷心多謝她和她的至愛，熱情款待，另我和Panda爸有賓至如歸的感覺。

 

Panda爸之魚獲篇和後加章紅刺身照片

今天，Panda爸從南油回來。今次收獲唔係咁多，得一條十八斤重的章紅，三條二斤重的芝麻斑，數條二斤左右的雞魚，和十數條池魚。

他將條章紅放在九龍某間刺身舖，叫店主代切，手工費三百元，好過自己劏啦。七點鐘度去攞，跟手就送外賣去啦朋友們，刷定棚牙啦喂

以上這條章紅，回到香港，就變身成咁啦

刺身店老板將這條十八斤重的章紅，分成八大盒。

今晚收到的舊同事，同學們都讚不絕口呢

魚肉鮮甜無比，彈牙兼爽口咁話喎

 

這條芝麻斑，已落入我舊同事手中，明晚到她家食一斑二味咁話喎麻煩哂你啦老友記