晚飯篇之尚

今晚，Panda爸話想去食日本菜喎，咁我地就去大埔的尚啦，這間都去過好幾次架啦，質數都唔算差嘅，都叫做食得過的

老板見我們叫了好幾樣Today Special，即刻話比Ｄ即磨的山葵(washabi)給我們試吓喎。

左邊的是即磨，右邊當然是我們平時食的washabi，齋睇個樣，都知邊隻正Ｄ啦

至喜愛的大隻赤貝

海膽刺身

Panda爸至愛的劍魚腩

三文魚及甜蝦三文魚壽司

我第一次食的牛油燒日本長腳蟹

好好食，不過得三件，略嫌唔夠喉咁啫

芝士焗生蠔，一般啦，下次可以唔使叫

Panda爸的牛柳石頭窩飯，都幾有牛味

我的齋烏冬

最後當然係甜品啦，必叫的柚子雪葩

六條紅衫魚就咁就游走咗啦

住家飯

今天，又整餐住家飯食先，晨早又走去街市逛啦

見到Ｄ西洋菜都幾大條，買２紮（共十二元）煲番個湯飲吓先。

材料有：西洋菜，南北杏，瘦肉，野生生魚，花旗蔘，蜜棗，果皮，江瑤柱。煲２個半鐘，就飲得架啦

朋友早前送贈釣到的魷魚，就買紮粉絲，蒸佢一蒸啦

浸軟粉絲，備用。魷魚切花，用蝦醬，生抽，糖，紹酒，生粉調味。將浸軟粉絲放碟底，加些少水在粉絲內，然後把已調好味的魷魚舖面，放上少許蒜茸，蒸五分鐘就得架啦）好惹味，正

ＸＯ醬瘦肉炒鮑魚菇

肉片略醃，鮑魚菇出水，切片，備用。
起鑊，下少許油，落蒜茸，把肉片略炒，到八成熟，就下鮑魚菇，灒紹酒，加入ＸＯ醬，兜均，加些少水，蓋上蓋子，焗一焗，就可上碟啦

在ＡＰＩＴＡ買的火雞雞翼，野略煎一會，上碟前，加些蜜糖，又攪掂

晚上，再煲個紅豆湯丸西米糖水（唔記得影相）

又是滿足的一餐

千年神丹

早前餅媽送比Da仔枝'千年人蔘'，寶貝仔high 冇耐，已茅興趣囉。

所以繼千年人蔘後，又一傑作，就係千年神丹啦（都係餅媽送架）

咪睇呢粒神丹細細粒呀，da仔不知幾high呀，由我張床玩到落地下，又有地下抓番粒神丹上床再玩過

Panda : 多謝餅ＥＥ，禾巧鐘意粒神丹呀

 

睡寶寶+大閘蟹

話就話氣溫回升，但住在大埔區的我，就覺得仍然寒冷啦

睇寶貝Da就知啦，佢由下午２時開始，瞓到晚上８點幾９點啦，都仲未起身，成個貓餅就係咁，捲咗成個下午啦

~~~~~~~~~~~~~~~~~~~~~~~~~~~~~~~~~~~~~~~~

近排見到有些卜友勁擦大閘蟹，睇到我都心癢癢的。礙於年紀大，驚膽固醇超標，都係忍手唔買黎食啦。

不過，世事往往就係咁架啦，你唔買啫，唔代表就冇得食喎，有位好友打電話比我，話佢家人訂咗大閘蟹，仲特登留番４隻比我添

嘩，真係我ge心又驚，我ge心又喜啦

咁，就唔客氣啦，正如美女廚房話齋，食咗先講

話咁快，我同Panda爸就將佢地擺哂落肚啦

真係冇得彈呀

在此多謝好友及其家人喔