冬至之晚飯篇

上星期五到梅窩探父母親大人和姊姊

，星期六去奶奶個邊做節，今天是冬至正日，不用四圍去，所以晨咁早就走去逛街市啦。

買了三隻大花蝦，合共一百二十元正。

 

這條斑，老板話是臘腸斑，十五元一兩。

這條就要九十八元。

 

開了罐在大昌買的翡翠海洋鮑。

食落，味道一般，不像財神牌好味，所以在我家的鮑魚排名中，已被剔除，永不錄用啦

寶貝仔又走黎八啩啦。

 

買二十元梅頭肉，自己刴。

整番道梅菜蒸豬肉加鴛鴦臘腸。

 

製成品－鮑片扒豆苗

清蒸臘腸斑

 

蒜蓉豉油皇大蝦

 

這個是即食鮑翅，錫紙袋放在滾水中，滾數分鐘就食得。

 

 

飯後，梗係唔少得食番個湯丸啦。不過，唔記得影相添。

 

十二月二十日之Panda的貓樣

好耐冇影da da的寫真了，今日就同佢影番輯先

坐姿

 

跟住就係'攤'姿啦

　　

　　

　　

　　

　　

　　

　　

　　

 

 

家有喜事

12月18日是Panda爸妺妺的大喜日子，一朝早，就要過奶奶個邊啦。臨出門前，梗係要抱乖仔影番幅照先啦

同姑仔來番張合照先

（未徵求得主角同意，照片略為修改一下，見諒）

新娘子同Panda爸又似唔似呢？

　

中午時分，到達紅磡伊甸園觀禮。與一對新人合照

 

牠名叫薯仔，但當日，人人叫佢做陪嫁狗

。是姑仔同叔仔一齊養的。

攝於伊甸園內

至於晚宴，自己部機冇影到相，因到又一城逛街去也

在這裡，祝福一對新人，百頭到老，永結同心

。恭喜，恭喜

 

晚宴回家後，又搵亞仔黎覺吓先

 

悠長假期

明天開始０８年１２月１７日放假，放到０９年１月４日。攞１０天假期，就放１９日假，都咪話唔盞鬼

好多朋友，同事都會問我係咪出外旅行，我就話放假要黎陪Panda，可能朋友，同事們都會話，係咪浪費咗Ｄ假咁呢？唔－－－點講好呢

講真，我又唔覺得浪費假期喎。（可能我做政府工，假期多的關係啦）。如果我冇養寵物，出門就話都冇咁易啦。但自從養了Panda後，想法就完全改變過黎。我會替寶貝著想先，驚佢會以為我唔要佢，所以出外旅行，現時階段，我絕不會去諗，其實，我真的很想去英，法，美等地方行下。兼最近有線介紹芬蘭的聖誕老人村，真的很想去啊！至於東南亞，在未養寵物前，還好，都去過。

甚至乎短線的旅遊，我都會叫Panda爸，帶同小兒去，而我寧願留在家中陪da da。希望Panda爸唔會介意就好啦。我知道，出外旅行，如倆公婆同行，當然sweet sweet啦。

話比卜友你哋知呀，我寫緊這篇卜的時候，da da係伏在我懷中，還呼嚕呼嚕咁呢，這種感覺，那種窩心，真的多多錢都買唔到呢

所以，還是個句，放假陪da da