情人節快樂

今天是情人節，祝天下有情人雙雙對對，有影皆雙

昨晚，同Panda爸，亞仔又去我們最喜愛的飯堂之一悅翠小廚啦（沙田新城市廣場內）。吃過晚飯，週圍逛吓，見到有一朵大型玫瑰花供人拍攝，於是叫亞仔幫我哋影番張先

　

　　　　　　　　　　　　

 

安穩非必然-可否為我打打氣之鳴謝篇

早前，出了一篇網誌，講述我被調去新的工作崗位，而有點不快．轉眼間，在新的崗位剛好兩個星期了．在這期間，工作量當然比以前忙了很多，很多．

每月有三個大會要跟，要打Agenda, Notes of Meeting, Papers for discussion etc.　這一大堆工作，都有排忙呢．黎緊三月的財政預算案，已講明，整個三月不準放假，睇黎，有排忙呀．

亞Q精神黎講，都唔係話唔好的，時間過得特別快，起碼一望錶，已到食午飯時間，再望錶，又到放工時間．做完一整天的工作，覺得很充實同埋覺得自己不是白逗人工呢．有番ｄ貢獻咁啦．

在這裡，衷心多謝各位卜友，朋友，同學們的打氣，排名不分先後：

亞儀．MayMay CHAN．沙沙．毛明媽．

三口羽毛．Panda媽．小甘子．椰皇．

Che Che．朱古力姐．Vivien．罐罐．

Udong．外星人．Curious．tchaiKovsKy．

gloria ssc．豬皮蘿白．寺言．烏冬媽．

星期三＆肥仔B+棉花糖．Alarm So．灰紅＆襪襪．

Happy．Cream Bun．Nixon　

謝謝你們為我打氣和加油，我先至可以堅持到現在．真的謝謝你們呀

　　　　　　　　　　　　　　　

情人節快樂

　　　　　　　　　

 

明皇壽司

又到一年一度的食三百大元，就可換取全年八折優惠的時候啦。這是每年年頭的指定動作黎架。今晚，Panda爸另有飯局，唯有我同亞仔二人走去食啦。二人要食三百大元，都幾難架，只好叫個豐盛刺身加埋其它壽司，就應該差不多啦。

其它的，太普通啦，不外乎一般壽司，所以冇影相啦。但見個豐盛刺身個賣相都唔錯，所以影番張相比大家睇吓。

不過，計數唔叻的我，今晚食突咗添，係咁叫，係咁叫，食咗三百九十多元。

當Panda媽遇上餅餅

早前，在餅媽網誌內得悉發少同餅餅每年逗的利是錢，都會捐出去做善事的。有見及此，怎少得我個封呢。於是今天中午，趁食晏仲有些少時間剩，速速過去餅媽舖，心想放下兩封紅封包後就走人。

怎料，原來餅媽帶埋發少同餅餅出舖頭，實在令我太驚喜啦。網誌內就見得餅餅同發少多啫，怎會想到實實在在的２隻可愛貓咪在我眼前呀，好彩我今天有帶相機，二話不說，梗係同２隻貓地影番張相啦。

嘩，餅餅真係好肥美呀，個躉仲鬼死咁大個架。抱住牠，真係好聚手架，真係好乖，肯比我抱，又冇咋型喎，反之，發少就比較怕醜，在籠內不肯出來給我抱，不過，唔緊要啦，同佢影番張合照我都好滿足架啦。

話比卜友們知呀，如你們未曾見過餅媽的話，等我話過你聽吖，餅媽好靚女架。

 

餅媽又好客氣咁比番封利是過我Panda，在這裡，代da da多謝餅媽利是。

今天已是初八，水仙仍開得燦爛，一踏入家門，滿室清香。