粉嶺花都－漁米之鄉

五月五日，原定Panda爸到澳門睇工程，但香港繁忙的工作，令他行不開，唯有改在星期三才過去。故此，今晚放工後，又一齊出外食晚飯啦但諗吓諗吓，大埔區內的食店已食到有點兒悶了，於是走咗去粉嶺漁米之鄉食中菜啦（早排，五叔升職，在這間設宴，Ｄ水準唔錯架）

 

紙包沙雞（一蚊雞咋）

紅燒大鮑翅（每位６８元）這個好好味

芥末牛柳粒（無論你食牛柳粒定西芹，樣樣都會'供'到你通頂）芥末似乎重手咗Ｄ咁啫

芝士蝦球伊麵（蝦肉非常彈牙）

最後，有糖水送，仲係我至喜歡的南瓜西米露

 

 

著了背心的panda

今早，番工前，見寶貝仔又黎痴手痴腳咁，影吓佢個穿了小背心的貓樣先

順便影埋小電影啦

Panda洗白白

嘩，屈指一算，寶貝仔對上一次洗白白，大大話話都有２個多月了，所以今天約好了萬能豹幫牠洗白白

灰紅，襪襪知道後，鹹濕貓奴的本性又走哂出黎，要睇出浴照喎所以我帶埋部傻瓜機叫萬能豹幫我同寶貝仔影番幾張照片，但她說今次她時間比較趕，加上新居未熟習環境，所以不同牠影啦。出浴照 'lee家野'要講緣份的，唯有寄望下次啦（灰紅。襪襪－我Panda媽向你們酒個淋先）

擺底DaDa後，到附近淘大商場逛吓，順道食晚飯。我咁大個女，都係第一次踏足這個商場咋真是大鄉里呢

那處，有很多食店，我們揀了一間食日本菜的。都算過得去啦。

１０時左右，取回DaDa就打道回府啦。

剪哂Ｄ毛毛，又係成條臘腸咁，樣子怪怪的但我唔會笑佢架，我仲成日同佢講：嘩，DaDa好靚仔呀

咁樣，貓地先至會有自信架

未剪的貓樣

剪後的貓樣

番到屋企，佢就立刻找野食，好肚餓咁喎

今晚，我會比件背心Da Da著，因開住冷氣，我驚凍親寶貝仔