母親節的禮物 - Lego Panda

今天是母親節，撞著Panda爸要去飲喜宴，所以冇諗住煮飯，但一早仍舊去逛我至愛的街市。見有蟶子賣，忍不住買了一斤（＄６４）回家，中午時蒸黎食，嘩，鮮甜到不得了。好味，好味

中午，打個長途電話給遠方的母親大人，向她說聲母親節快樂。她和父親番了鄉下，要一頭半個月先番落黎。待她回港，才同她吃飯補數

今年，有驚喜喎，亞仔用他兒時的樂高玩具，砌了一隻黑白Panda比我，作為母親節禮物。貓的頭部還可移動的呢

謝謝小兒的那份心意，感動中

見亞仔咁乖，於是我同咗佢去太和商場內的元氣壽司撐檯腳啦。

壽司都是一般口味，但不得不提那件芝士餅，巧巧味呀

這件芝士餅，讚

上面的是關東煮，都好食。但若份量多番些，就好啦

今年，這個母親節不太冷喔

母親節

５月九日（星期六），提前同奶奶慶祝母親節。今次又去番粉嶺漁米之鄉。我們選擇了頌母宴套餐＄２２８０，再加多個南乳粗齋，白飯等。埋單大約＄２５００。

當然有個餸是我的死穴黎，所以我避席，冇影到相

未到食飯時間，梗係上叔仔屋企打番幾圈啦。叔仔隻狗狗－叫薯仔。她剪了個新look，好得意呢

麻雀輸２舊半左右啦

Panda又食草草啦

五月七日晚，打完網球，番到屋企，寶貝仔一見我番黎，就纏到我實一實，係咁喵喵喵。好啦，見你咁乖豬，就比些貓草過寶貝da鬆弛吓先

硬係覺得亞Da冇以前咁High咁啫

 

沙田 - 博多

五月六日，Panda爸過了大海睇工程，得番我同亞仔食。我地兩母子走咗去沙田博多食日本野，這間都過得去咁啦。

上面個２舊蟹子同海膽壽司，塊紫菜都好頹吓啫

食完，就坐火車歸家去了。

Panda爸公司的紅劍魚

早排，舊同事換了新的魚缸，把舊的送給我。但家中已養了條老鼠斑，於是我轉贈Panda爸，他猛然醒起，何不擺在公司，有Ｄ生氣都好喎。於是放工後，在太子附近買了十元一包的紅劍，有五條（Panda爸話試試魚缸先喎），還添了一棵二十元的水草，好讓魚兒有得躲藏。