Panda之要幾S有幾S

每天放工回家，寶貝仔除了在門內迎接外，還會碌地下架個貓身兩邊擺，嗲到暈

真係要幾S就有幾S

臨別秋波之2-Cookies Quartet

六月三日，收了老板送給我的Godiva朱古力，咭片上還寫上以下句子：'Thanks for your good PS service'。

與她共事短短四個多月，我的工作表現，能得到她的認同，真的很開心呢。

收完人禮，梗係要回禮啦。我已心中有數。今日放工後，叫Panda爸車我去九龍城福佬村道，買曲奇餅啦。這間店舖是謝寧開的，全是人手製造。大家又有冇興趣買番盒試吓咁呢

我也買一盒回家享用，又真係好好食喎。

 

臨別秋波之１－Godiva

六月中，禾老板就要退休了．遲些，又要適應新的老板了，唔知黎個男的還是女的CEO呢

今天，老板送了一盒朱古力比我，話係多謝禾幫得佢手喎．

好靚呀，唔係好捨得食添

好，等禾又諗吓回乜野禮比老板先

 

買鮑日

早前，購買的南非招財牌鮑魚，家中已冇存貨了，得番一罐車輪鮑，Panda爸話係鎮家之寶，唔係咁隨便開黎食喎，所以今天特登放一天假，去上環入貨啦。（因他的辦公時間如寫字樓，朝九晚五，佢收工，我都未放工，唯有放假去買啦）

印象中，好似今次仲平過之前買的。我記得以前買一罐六頭，計平左都收我每罐＄３８５。

今次我買番一罐六頭的，店主話每罐收＄３６０啦。我今次打算買十罐，我又發揮Ｃ奶本色，於是就減佢狠Ｄ，話每罐＄３５０啦。這當然成交啦，仲要佢學上次咁送番枝蠔油元比禾添

還買多一罐八頭的，減了１０元，收＄３４８。

（送了一罐六頭的給父母親大人，另一罐八頭的就送給姊姊）

中午實在熱屎人，揹住咁重的罐頭，邊度都唔想逛囉，買完，就搭３０７番歸啦。

只羡鴛鴦不羡仙

今天，經過公司走廊時，見窗外有一對雀鳥雙雙企在一起，相親相愛呢

我放工啦，唔阻你哋，拜拜