欺善怕惡

早前，替Da仔剪甲，給抓了一道血痕，現在已結焦 ，好得七七八八啦

昨晚，見寶貝仔的腳毛長到睇唔到ｄ肉球仔，係時候修剪手毛同腳毛囉．趁 Panda爸得閒，禾地２公婆夾手夾腳，包住牠，逐隻逐隻攞出黎修剪，兼再剪甲甲，之前剪得好淺，今次再剪過

唔知係咪Panda爸夾實佢，佢又怕爸ｂ，所以全程任舞，就算唔歡喜，都係咁易叫２聲咋．若果調轉係我，實抓我兼走貓啦

好快咁，寶貝仔的毛同甲就攪掂咗啦．原來，老公在場，da 仔真係乖好多架．雖然極度唔like 比Panda爸夾實，但郁都唔敢郁

睇怕，da仔佢都係恰我一個咋

Panda戴項鍊

續上一篇網誌

Panda : 媽咪今晚番到黎，都唔知攪乜鬼，整咗條野戴係我頸上，初時禾都唔係好慣架，但戴落又ＯＫ喎

 

（長度未剪）

Panda :多謝餅姨姨

甘餅罐小聚

今天中午，禾地甘餅罐集團來個午餐小聚．吹吓水，食吓野咁，過了一個愉快的午膳時間啦

餅媽早排見da仔食小吃的時候，成個頭樁落個碗度(見附圖)，替da仔辛苦，所以特登買了一隻碟送比佢，唔使食得咁辛苦咁話喎，餅媽，你又寵壞禾的da仔啦

隻碟好靚呀，還有隻貓咪呢

一隻碟都不特止，還加送一項項鍊，對動物好好的．好似話有淨化空氣和舒緩情緒緊張架

Panda : 多謝餅姨姨

Panda之抓抓板

昨天，去了太古城內的某大超級市場逛買了些用品比寶貝仔：有抓板（附草味的），指甲拑和貓犬用的刷牙紙巾

這塊抓板內附一小包粉狀的東西，我想是酒在抓板上的。因全是日文，我靠估架咋

Da仔睇黎很喜歡這塊板呢

 

貓用指甲拑

今早，新屎坑，就同寶貝仔修吓甲啦。點知，禾就攪成咁啦

是給寶貝仔的腳抓傷的，現在仲好痛呢

禾當然冇鬧佢啦但Panda爸見我攪成咁，有少少唔高興，話寶貝仔養唔熟喎。我當然第一時間幫寶貝仔講好說話啦：［係我自己唔小心啫，唔關Da仔事的］。

好彩Panda爸冇搵Da仔算賬啫

 

刷牙仔紙巾

這包遲Ｄ先開黎試

 

好，影吓寶貝仔先，這些傷痕，算把啦。