連續煮咗二日飯，今晚躲懶一次，唔玩煮飯仔
走咗去龍華酒店食乳鴿由新城市行過去，都幾係架，仲熱屎辣辣，上到去已成頭大汗
好多年前已幫襯過，印象中淨係得乳鴿好食，今次諗住再幫襯多一次，睇吓有冇驚喜咁啦
去到，門面裝修，對唔住，唔覺有囉，一個字形容哂（舊），心想，呢舖實［奶野囉］（容許我粗俗少少）
個地方我已不甚滿意，坐近門口，仲要度門係長開住，乜冷氣都走哂啦，見仲有位，咪問吓可否坐入Ｄ啦，但個位個款就黎退休的亞叔大大聲話：呢張就呢張啦，乖啦，唔好調啦，Ｄ位會好亂架。
頂使唔使咁大聲講呀好，忍，坐底叫野食。
都費事睇，叫個套餐算。
試齊哂三種味道的乳鴿，有豉油，滷水同紅燒，全無驚喜可言
這個菜，可算滿意啦
粟米龍脷球，唔好食
咕嚕肉，都係唔好食
還漏咗個豆腐粒冇影度，當然又係唔好食啦，仲話山水豆腐，嚡到亞媽都唔認得，唉，徹底失望呀！！
油渣麵，也一樣唔好食
成個套餐，睇得出係一大鑊炒出黎，檯檯都係出同一樣餸．
講真，Ｄ餸冇樣係貴價野黎，埋單成八舊幾水，好食都條氣順Ｄ呀，但真係冇樣得喎，真係最後一次囉．
見門口有隻貓咪，同佢影番張相，當係心理補償啦
食完，又要行番去，去到新城市，又係成頭大汗，頂唔順又走入去〔蝦緊帶屎〕買雪葩食，嘩，加咗價，兩球要成五十幾蚊，好貴喔
中午時，無無聊聊咁，見主子係張梳化度hea又影吓佢先
明天又開工啦，早抖
