昨天Panda爸去長洲釣魚，唔多唔少梗有魚獲的．一部份給了好朋友，餘下的，就自己要番．
有雞魚，石釘，火點，沙鑽，牛鰍
石釘都有六條喔
昨晚Panda爸番到黎到八九點，我淨係劏肚，洒多些鹽，唔洗水，直接放雪櫃，到今早才處理和分類．
攞呢幾條大少少的，試吓今晚做鹹鮮
石釘都OK，條火點就麻麻，肉質偏淋
沙鑽，煎香佢，加碗白粥，做咗我的午餐
餘下的，要黎煲湯
中午前，湯底煲好啦，係咪白雪雪呢
晚飯時，加舊滑豆腐，同韓國味噌醬，正
鹵水：枚頭，雞蛋
你地睇吓，枚頭有五層架，好好食喔
網友Happy媽話用新鮮牛展整，好韌咁話
真係喎，唔淋添咁就變一變佢，攞佢黎炒西芹冬菇，再煮吓佢，應該冇咁韌啩
都係失敗之作，韌到亞媽都唔認得
見有個汁係度，今早再買隻豬手同急凍牛展番黎，又整好啦，放雪櫃先
齋整以上個幾樣餸，事前功夫可不少呢，在廚房已企足幾粒鐘，廚房CEO真係唔易做架
唔知係咪年紀大咗，反應遲鈍咗，做廚房工作，雙手已冇咁靈敏，一個不少心，抹爐頭時，唔小心比煲緊魚湯的湯煲耳仔辣親手添
這不特止，無情情隻手指公側邊的肉，又無緣無故又踵又痛，好似漲甲邊咁，按下都好鬼痛．
好在有寶貝Da做我的心靈雞湯，見到佢，乜痛都唔記得囉
