Panda爸篇之賊訊 + 街頭老屈案

我相信卜友們都有睇過電視節目 - 賊訊, 裡面有時會講一些壞人用欺騙的手法去呃市民, 想不到, 會發生在Panda爸身上

話說, 今天Panda爸在公司接到一個電話, 內容大致如下 :

騙徒 : 老豆, 老豆, 我幫朋友做咗十萬元擔保人, 個朋友走咗佬, 我e家比人捉咗, 你快d攞錢黎救我呀

爸爸 :  亞仔, 你e家响邊樹呀?

騙徒 :   我唔知呀, 我比人懞住對眼, 唔知係邊樹呀?

爸爸 :   亞仔, 你叫乜名呀?

騙徒 :   老豆, 有冇攪錯呀, 連個仔個名都唔幾得, 亞強呀.  (當然, 騙徒撞錯啦, 我個仔不是叫亞強, 但個騙徒又死蠢, 真係求其講個名出黎)

爸爸 :   但係我個仔係冇大陸口音架噃.

騙徒隨即收線.

在這裡, 我希望卜友們, 如家有老人家或小朋友, 記得叫他們小心陌生人的電話.  我想現在經濟差, 不法分子會四出呃呃騙騙, 小心為上.

還有, 我公司的老板最近曾試過在旺角街頭, 有條友仔撞埋我老板度, 跟住條友的所謂名牌眼鏡隨即跌落在地上, 並且爛了, 跟住條友叫我老板賠錢, 我老板當然冇理會佢啦, 佢仲死跟, 見我老板無賠錢意途, 跟住又話, 你唔賠足, 起碼都要賠一半呀, 我老板心想, 咁, 你仲唔係老屈, 費事理佢, 一直往前走, 條友仔跟了2個街口, 見屈唔到, 就消失於人群中.

出入旺角的卜友或朋友們, 小心有人老屈呀

        

Panda爸之fit魷篇 + Panda的罪証篇

11月15日, Panda爸出海fit魷, 晚上帶了隻最大的回家

.

點整好呢, 白灼?  滷水?  生炒?

終於用蠔油, 滷水雞汁, 椒鹽, 蒜鹽, 生抽煲滾個汁, 把牠煮滾, 然後熄火, 擺埋一邊, 等佢入味, 到晚上才番滾上蝶

有一晚放工回家, 見到Panda爸工作房中的電話, 跌在地上, 咁.....當然唔使問亞貴, 梗係隻寶貝da 整架啦.

當時奇怪點解佢會整跌落地下

 

啊, 迷團終解開了, 有一天, 我發現佢跳上了一層, 望窗外的雀雀, 不知幾肉緊, 仲不時喵喵叫.

捉賊了拿贓, 今次, Pana仲唔斷正比我, 嗱, 有圖為証架, 仲走得甩咩

比人影到佢d罪証, 當堂屎面比我睇

最後, 當然係冇罪釋放啦, 佢享有特權架嘛

Happy Birthday to me 之晚飯篇

終於放工啦, 拿拿淋搭小巴去紅磡, JOIN埋PANDA爸, 驅車向布袋澳出發

蟶子皇, 大隻鮮甜

東風螺, 都OK

瀨尿蝦 - 我的其中一樣至愛

豉油皇海蝦, 今晚冇大隻的, 所以要了六隻中型的

好好味, 我連蝦頭都食埋

貴妃蚌都頗鮮甜, 略嫌粉絲質地, 怪怪的

 (唔通有A貨粉絲)

 

炒麵一般咁啦

 

這蝶菜味道唔錯, 可惜用指天椒炒, 有多少辣口, 所以打包回家, 用滾水沖沖, 再食過

 

食完點少得車仔亞伯的糖水呀-腐竹西米, 飲完, 順哂

這餐消費 : 九百七十六元正, 我覺得會平過西貢DD

 

總結牛一的禮物 - 

1.  一條大領巾 (來自好知己兼舊同學)

2.  一件芒果, 杏仁芝士餅 (來自幫Panda沖涼的同事)

3.  一頓豐富的晚餐 (來自Panda爸還加一封大利是)

4.   一個吻 (來自小兒)

今日, 可算是大豐收呢