初黎報道的Panda

今晚，摷番寶貝仔以前初到我家時的照片，比卜友們重溫吓都好，睇吓佢以前同現在，有乜轉變咁呢

 

初到甘家大約一個星期吧

後期影的

係咪以前得意Ｄ咁呢

難道我真的是貓奴嗎?

前幾天，我同Panda爸有以下的對話：

他 :ｅ家ｄ機票都好平咁喎，不如去英國行吓囉。

我 : 好呀，你同亞仔去吖，我要睇住Panda。

跟住就再冇對話啦。

我跟朋友講起這件事，她們異口同聲都話我唔啱。她們的意見是，去旅行，梗係想同枕邊人去先有意思架嘛。

我知，我明。但，我真係唔捨得寶貝仔呢。（我絕不會將牠擺在寵物店的）就算有人幫我睇，我都驚寶貝仔唔適應，怕牠數天見不到我們，唔知寶貝仔會點諗。

由我第一天養Panda開始，我就要對Panda作出承諾，要照顧牠一生一世，絕不會棄牠而去的。遑論就算過澳門一，二天我都唔會去的。

好似以前咁，Panda爸話想去北京，我又係咁回應佢，你同亞仔去呀，我要睇da da。講真，大陸我真係丁點兒興趣都冇架。那次，他和亞仔就去了北京一趟。

家人緊要定寵物緊要？要我揀，我真係唔識揀。可以咁講，同樣重要，無分彼此。

如我冇養寵物，當然去邊都應承他啦，就唔會有以上的對話。但，真的，我捨不得離開da da喎。

究竟我有冇錯呢？但我知Panda爸都係咁錫Panda架～希望佢能明白我的感受就最好了。

Panda爸之南海油田提早出發篇

3月13日因吹大東北風的關係，把Panda爸去南海油田垂釣的計劃吹走埋呢，好不掃興。所以又另訂下一個日子，２７號再黎過。

但他昨天收到料，船家話下個星期五可能又吹大東北風喎，未必出到船咁話唔係亞化，又玩大東北，唔係咁邪吖嘛

但，吹大東北又如何阻止到Ｐanda爸心中個團火呀，他今晚已經向南油出發咗啦

因他有朋友在今晚出發，還有２個位剩，故此二話不說，同埋一位老友齊齊起行啦。

星期日下午黃昏時分到香港，希望他魚獲大豐收啦

朋友們，刷定棚牙等食芝麻斑，吞拿魚，雞魚啦（如果釣到的話）

美食篇之海港燒鵝海鮮酒家

三月十五日星期天，晚上到大埔海港燒鵝海鮮酒家吃晚飯。其中一味是Panda爸必叫的，就是雞煲翅啦。當晚其餘的餸有：陳醋海蜇，中式牛柳，脆奶沙律蝦球，還秤了一隻斤鬆Ｄ的龍蝦（上湯焗）。行開大埔的網友們，有機會不妨試試Ｐanda爸強力推介的雞煲翅啦，真的唔錯架。

 

貓沙之Cat's Best

大包的Cat's Best成日都話冇貨，攪到寶貝仔的貓沙已用得八八九九了，仲唔買，點得呢所以今晚放了工後，到沙田一田那邊吃過晚飯（派壽司），順道去新城市廣場Q-Pets睇吓有冇貨啦。哎，又係話未有貨，冇偈啦，唯有買過另一款貓沙啦，都係個隻牌字，售貨員話Ｅ隻唔會痴住D PET PET毛咁話喎，最啱長毛貓用，咁就一於Ｅ隻啦。

一包就九十元。做緊特價，二百五十元三包。

 

Panda之貓碗篇

今天，萬能豹送了隻貓碗比Panda，於是我把貓糧放在新貓兜內，但Panda好驚個碗咁，行近一步，就退二步。可能牠不習慣用新碗吧。唯有用番佢以前用過的兜兜啦。

網友們，你們覺唔覺Panda剪咗毛咁呢

重溫佢剪掉的毛，雖然剪咗咁多毛出黎，但Ｄ毛都係咁茂密架

Panda之小魔怪出浴照

三月八日，帶寶貝仔去萬能豹處洗白白。希望沒有嚇親卜友們吧

濕水小魔怪

這就是當日Panda所剪掉的毛髮啦