蠔一蠔佢先

早前，在Louies' Steak House食過美味無比的生蠔，至今仍回味無窮

今晚，我們一家又到沙田悅翠小廚食晚飯。吃完，就走去CitySuper睇睇，想買Ｄ蠔番屋企食啦。

個哥哥仔問我想食乜野口味的蠔，真係比佢考起。禾都係大鄉里一名，當堂唔識答添於是我問番佢，有乜野口味架，佢都好耐心咁話比我聽，佢話：［你想食有海水味的，或是creamy 的呢］

我記得在樂意扒房個Ｄ係海水味比較重，於是我就揀番海水味重個Ｄ啦

頭一次買，所以唔敢買咁多，就一人一隻啦

亞仔話佢唔食，咁我唔客氣啦，食埋佢個份

第一隻，我乜野都唔落，嘩，真係有鹹水味喎，好食

第二隻，我就落少少lemon juice同埋少許cocktail sauce，也一樣美味，但我個人認為，若是新鮮即開的蠔，真的甚麼甚麼調味料，一概可以唔落，食原味就為之very good 啦

在寫卜期間，寶貝仔又在我左右啦

禾的寶貝DaDa

酣睡寶寶

天氣寒冷，寶貝仔見我未番入房，但佢又要我在佢視線範圍之內，所以佢唯有係廳度等，等極我都未入房，佢唯有走人個生果籃眠陣先啦

我有乜Ｅ郁，佢會好醒目即刻望住我，睇我去邊度，然後就二仔底，死跟架啦

真係低錫架啦

罐罐飯局及餅媽的禮物

今日，原先約了餅媽，罐罐黎家訪，但餅媽業務繁忙，未能抽身前黎，所以今日只得罐罐單刀赴會咋

罐罐知我鐘意食芝士蛋糕，特登買了個生日蛋糕上黎。實在太客氣呢，攪到我都唔好意思添（其實生日已過）又呃多個蛋糕食

還送上生日禮物，多謝哂呀

玫瑰味的潤手霜－開咗黎試啦，好潤吓喎

今晚，在家煮幾味，希望罐罐唔嫌我的手勢差就好啦相片是借用罐罐的

四餸一湯，糙米任裝

Da仔見有稀客到訪，全程都驚驚青青咁，但罐罐又點會放過影貓貓這個環節呀，一於你有你驚，佢有佢影

傾吓講吓，咁就八點有多，Panda爸就送罐罐番家去啦

未能赴會的餅媽，早前買咗份生日禮物比禾，Panda仔都有架

餅媽話，因佢似肥餅喎

唔記得咗叫乜名添－係比寶貝仔索架

那晚，返到屋企，Da仔已入袋自己摷，我都未開，佢已經聞到味啦，拿拿淋開比佢索啦，不知幾high

我同Da仔都講聲：多謝哂呀餅媽

 

今年的生日，除了要好多謝家人，各方好友之外，還要多謝在網誌內結識到的網友們，因為今年多咗你們的祝賀

借此，我亦祝大家身體健康，事事如意