Da仔近況

今晚，比粒野過寶貝仔索吓先至得

今晚檢查寶貝仔的背部，仲有些皮屑，算啦可能真係天氣問題，我唔再憂慮咁多啦我要學識放低，事事不可太執著，對我同Da仔黎講，未嘗不是一件好事黎

錢包大出血

這２個星期，好似黑氣纏身咁

繼寶貝仔身有皮屑唔舒服外（$1,000），自己出街又比粒沙吹入眼 ($640)，就連家中的電器也out of service ($4,000)
你地話吖，ｄ錢係咪倒水咁倒吖

睡房中的空調機在週未打柴，週日拿拿淋去吉豬島睇吓啦．但係要下個星期三送貨，星期四安裝．計計吓，咪要等四五日先有冷氣

Panda爸知我係一個非常怕熱的人，所以立即轉地點，走咗去廣場內的一間電器店內選購，即日送貨連安裝．

到晚上六時半，攪掂，快夾妥

ｄ黑氣應該走哂啦啩

獨眼龍之因為一粒沙

４月２３日，如常出外午飯飯後，見有時間，逛吓新之城上電動樓梯時，發覺右眼好'硤'咁，但冇流眼水，又冇眼紅，只是感覺唔舒服。

逛了一會兒，返公司，隻眼仲係唔多妥，於是走去pantry，用清水洗眼啦，點知一潑Ｄ水落隻眼到時，有刺痛感，心想，一定是有傷口啦

返回坐位，個心十五十六，唔理佢吖定點呢

想深一層，眼睛問題可大可小，兼仲係好痛。都係病向淺中醫好Ｄ。

上網搜尋私家眼科醫生，搵到旺角中心有，打去預約，姑娘話額滿，若真係緊急，叫我下午四時三十分去執屎雞。唔理得咁多，梗係book咗先算。

那時才２點左右，幾時捱到４點半，再想深一層，我公司樓下好似有一層係醫生層喎，於是又上網搜尋，又比我搵到十一樓有眼科醫生睇。打去問，姑娘叫我立即落去睇。

去到，登記完兼做了初步驗眼的檢驗，好快就見到醫生了。

醫生發覺我眼角膜損咗，還問我是否捽眼黎，我好肯定同醫生講，我冇囉。於是醫生再詳細檢查，發覺原來有一粒沙依附在眼角膜上。如我有流眼水，可能會沖得走佢。但我在茶房用水洗也沖不走，粒沙又真係痴得好實咁呢。

於是醫生就用一枝好幼好幼的針，幫我挑番粒沙出黎。滴埋眼藥水，塗埋藥膏，比埋錢就走人，番回公司啦。雖然醫生話比病假我，但現時這個職位，那會行得開呀，便說：不用了。

一粒沙，盛惠640個大洋

番到公司，老板都算叫做體諒我架啦，淨係叫我安排會議，接駁電話吖咁，打字方面，佢淨係叫我Ｅ比佢，佢自己打喎

還接到Panda爸電話，佢話見我變咗獨眼龍，佢駕車上黎接我，不用我去紅磡找佢喎（這吓真窩心）

經過昨晚的休息和滴眼藥水，藥膏，右眼已冇先前咁痛啦。大家不用掛心，深信好快冇事架啦

今晚唔巡卜啦

我今午變咗獨眼龍，眼仔要休息．

請諒！！！

皮屑太可惡

下午返回公司，滿腦子都想住Panda，一想起，就眼泛淚光，我實在太眼淺啦

好多謝各方好友的關心和問候，在此衷心謝過

放了工，胡亂食Ｄ野落肚，就趕返家中陪Da仔啦

平時一開門，Da仔已多在門口，但開了門，都未見佢出黎，禾幾驚佢暈咗。大聲叫佢，才見佢從房中急步走出，可能打完２枝針，攰攰地吧。好彩仲行得，走得啫

見個貓廁有齊大小二便，全屬正常，放心一些。當然立即去執金，剷尿啦。當清理完後，主子又入去開細啦

跟住，拿拿淋掃地，開抽濕機，抽吓廳，抽吓睡房咁。現在還開埋冷氣比主子嘆。主子現正在我張睡床上攤抖呢

睇吓禾的寶貝仔先

就係呢Ｄ皮屑蝦禾的寶貝仔啦，禾要殲滅哂佢地

Panda加油，媽咪全力支持你