中午，見寶貝da又去搵周公啦
弊傢伙，嘈醒咗佢添
好在佢話咁快又合埋眼仔
跟住，又轉身再瞓過
見沙沙網誌度，介紹西貢有間新開的日本餐廳，唔錯咁話。所以今天我唔煮飯啦，一於駕車入西貢走一轉啦
泊好車後，問吓途人，話咁快就搵到那間食店啦。
睇吓食咗Ｄ乜啦
本應，對這間店都有好感，但我叫的海膽壽司，就令我對這間店有所保留，應該冇下次囉。
事緣：
店員攞埋黎時，可能佢隻手太近碟中間，剛巧其中有舊就打橫跌咗落佢隻手度，佢居然若無其事咁，放在我面前，個舊仲係瞓係度架。我同佢講，你隻手掂到，唔該同我換過佢。
佢就攞番去壽司Bar度，比番個師傅。（個師傅唔知我係一路都望住佢）
我見個師傅只係將舊海膽壽司擺番正，就叫個店員比番我。我就同個店員講，你地都冇同我換過，咁都得。做食店，怎可以這樣呃人架，我唔要啦，你同我取消佢啦。個店員就攞走咗。
跟住，另一位店員話，唔好意思，為表誠意，我叫師傅即刻做過，我會睇住佢整，請放心。
我同佢講，食店係好講求衛生的，既然你咁講，好啦，我就唔取消啦。
但，心想，不會再黎幫襯囉。
整體上，食物都算ＯＫ。唯一就係個位師傅好有操守問題。整個件壽司，又算得係乜野吖，咁樣呃Ｄ客，睇唔到，就真係比佢呃咗，但咁啱，我張枱係望到佢的呢
食完，就周圍逛吓。見到有間海鮮店門外，有缸魚呢，其中的一條都有番咁上下斤兩架
大家見唔見到我的倒影咁呀
明天，又唔知去邊度食咁呢巧期待喔
