放十天假期，攪搬屋事宜，話咁快就到尾聲啦下個星期二，一切回復正常，又要番去捱世界啦
查實聖誕節對我黎講，真係唔係好關我事架都一把年紀，留係屋企感覺就最好，逛街都係留番比Ｄ後生仔女啦
一早，又梗係行街市啦
又係簡單的一餐，今晚真係唔想同人迫。睇報紙話係我樓下有倒數活動，Ｄ食店實爆到七彩啦
節瓜仔滾田雞瘦肉薏米湯
酸梅麵豉蒸黃立倉
蒜茸炒波菜
醬燒牛柳粒
亞寶貝da又梗係去搵周公啦，又朝搵到晚架，不知幾friend呀
Panda仔見好多卜友的主子都攪吓聖誕氣氛，佢話佢都要攪吓喎
首先，要抖足精神
然後著番件飲衫，得咗
搬咗黎沙田，都住咗十多天，因執屋關係，都好少玩煮飯仔
今日，見得閒，就走咗去沙田街市買餸煮飯啦
初黎沙田街市，真係茫無頭緒都唔知邊檔Ｄ魚靚，邊檔Ｄ菜好，總之就如大鄉里入城咁，踱黎踱去，都唔知買乜餸好
現在餸菜一Ｄ都唔平，樣樣都加哂價，同埋大節當前，Ｄ海鮮都係海鮮價呢
平時食開Ｄ肉蟹，約六十零蚊一近，現在已升到九十大元一斤精明師奶的我，呢Ｄ過時過節的日子，梗係唔買黎食啦
求其買Ｄ，就返歸啦
西洋菜紅蘿蔔排骨湯
（紅蘿蔔在中午，我當飯食，食哂）
撈起Ｄ菜，鴨腎，排骨，加些蠔油，又多一碟餸
梅菜蒸鯇魚腩
蝦醬冬菇蒸肉排
加條潤腸落飯度，一齊蒸，攪掂
雖然簡簡單單，但一家人坐埋一齊食，感覺良好喔
都唔知邊檔Ｄ魚靚，邊檔Ｄ菜好，總之就如大鄉里入城咁，踱黎踱去，都唔知買乜餸好
）
