2008之回顧篇

時間飛逝，２００８年就快過去了，不知不覺間，年曆每月一張一張的撕下，到現在已剩下最後的一張了。在這幾年間，每一日，每個星期，每個月，總覺得時間過得很快。過得太快，好像意味著自己的人生歷程在倒數緊。真的有點怕呢！

我亦慶幸自己，家人，都平平穩穩的渡過，沒有太大的風浪。

健康方面－小病是福，如感冒，傷風等。我們一家年來都有過這類小毛病，可算是萬幸呢。

隨著年紀大的關係，多加注重運動和飲食。

運動方面－每星期打一次網球，每天在家裡做三十分鐘平甩功。

飲食方面－少油，少吃肉，戒肥牛，多吃菜，食五穀米。由高峰期的一百六十磅減至現時一百四十磅左右，感覺真的好好多，起碼冇咗腳痛先。一百六十磅的時期，坐完起身，就慘啦，要企一輪，先至可行幾步呢。

工作方面－當然有升職機會啦，但自己知自己事，人到中年，冇乜記性。做秘書，記性好緊要。所以有升職試，我呢Ｄ老鬼冇報考，都係留番比Ｄ後生去博啦，我仲有幾年就退休，又可必為自己添煩添亂呢。

開心方面－收養Panda是我最開心的一件事，牠帶比我無窮無盡的歡樂，亦漸漸感染埋原先不太喜歡寵物的Panda爸，真是始料不及呢。

在這裡，祝願卜友，家人，朋友們：

牛年財源廣進，事事如意，闔家安康！

另祝Panda：

每日都開開心心，罐罐長食長有，有入有出，咁就大家Happy。

新年快樂，ＹＥＡＨ～～

寫完這篇卜後，轉身見寶貝仔瞓得咁淋，當然又要影吓佢啦。

弊傢伙，比佢發現咗我添。

不過，佢跟手又瞓番。亞仔，使唔使咁快呀。