人到中年

 人生, 已過了一大半.  踏入中年, 身體機能的小毛病亦開始展現.  成日見到那些公公婆婆

, 都係話自己有高血壓呀, 風濕關節痛呀, 糖尿病呀咁, 心想, 這些都是年紀再大一些先會發生的.

但, 真的估唔到, 會發生在我的身上來.  (真係咁快... 就要我長期食藥?

)

原因是, 早幾日,

個頭好痛, 諗住食粒止痛藥

就得啦, 怎知, 幾個鐘後, 仍然咁痛, 一些舒緩跡象都無.  於是就走去睇中醫.  中醫一見我, 就話我塊面好紅

, 問我有冇量血壓的習慣, 當然冇啦.  於是量一量, 下壓高些少.

不知是血壓高的關係引至我頭痛, 定頭痛引至我高血壓, 所以暫時開一些降血壓和止頭痛的藥, 睇吓過幾日會點.

這幾天, 我早晚都量住自己的血壓, 又真係高咗些少咁喎.  如: 119/90, 130/91, 120/87, 及至今朝是133/92.  我唔知這些數字反映d乜野, 我冇這方面的知識.

唔怪得之, 我有時都覺得有一, 二吓暈暈地咁啦

, 但從冇想過自己有血壓高.

現在, 我都唔知點樣去處理這個問題,   去西醫度confirm自己有高血壓, 然後長期食藥定或是不去理會, 在飲食方面, 盡量少盬, 睇吓有冇改善咁呢???

哎, 唔知好地地, 知咗, 就成日覺得自己可能有朝一日會爆血管, 個心真係唔係咁舒服.