貓友聚會篇

今天，好高興能請到眾卜友到寒舍一聚傾吓貓經，吹吓水, 攻打四方城呀咁

當然眾鹹濕貓奴又點會放過禾Da仔呀起勢係咁摷， 寶貝仔今次蝕硬比佢地囉

聚會卜友有 (排名不分先後) :

罐罐，J'sC9，Deki，灰紅，襪襪，小甘子，Happy媽，小妹Siu Mei，金花婆婆和毛明媽及爸

大家如想睇Panda仔點樣招呼眾姨姨們，遲吓可到以上卜友度睇架

好啦，講番今次聚會先最早到的是小妹Siu Mei，她還帶來合時鮮果和一枝紅酒黎，多謝哂呀

其後，罐罐，灰紅，襪襪，J's C9，金花婆婆，小甘子，Happy媽，毛明媽及爸亦上繼到達一下子，成屋都熱鬧起來，寶貝仔未見過咁大場面架於是拿拿淋急忙搵地方躲藏呢

好多謝Deki為我做的藍梅芝士餅，好好味大家都讚不絕口呢

這個朱古力蛋榚是J'sC9送的。我知道一定都係非常好味，因為亦同樣地好快就比眾貓奴們攪掂咗佢啦
（雖然我本人唔食朱古力蛋榚，在這裡亦衷心多謝J'sC9的一番心意，我係收到架）

今次聚會，共十四人。所以我叫咗個盤菜，自己另外煲咗個花旗蔘豬展西洋菜湯，白灼海蝦，凍花蟹，菜心伴亞一鮑魚，蠔油芥蘭。加上Happy媽買黎的靚靚魚蛋及片頭，真係食到個個都嘴lam lam架

晚上九時左右，又係時候講再見啦希望各位能盡興而歸啦

當一眾貓奴散水後，Panda仔已第一時間食貓糧兼放水，佢可能餓咗同急咗好耐呢

當然，散席後，又係禾做清潔的時間啦洗碗，掃地，抹地，抹麻雀呀咁，做到晚上十一時許就攪掂哂

跟手，就梗係拿拿淋拎眾人的手信比主子過目，希望主子滿意貓奴們的貢品啦

一桌都係架

Panda : 全都係禾的，幾眼瞓都要看守住

Panda : 幾眼瞓都要頂住，實行一件都不能少

Panda : 咁多貢品，發達囉

另外這件也是毛明媽送的，是一件肥皂黎，我諗我們冇一個捨得用呢

講真，Da仔真係好乖，全日冇發過惡fee人，真係比足面我呢

好啦，禾現在要好好地陪吓Da仔啦