繼續講番昨晚聚會的情況先
上篇講完食，今篇就講吓網友送給我們的小禮物先
成檯都係
（以上的照片，取自網友Deki的相簿）
我好鐘意的禮物呀，多謝哂呀
寶貝仔又走黎八
貓貓毛巾－小妹媽送
貓貓袋，小吃同會令貓咪好high的樹枝
－J'sC9送
貓草小鼠鼠－豆丁媽送
Hello Kitty塾板－皮媽送
黎番張大合照先
同一大班志同道合的貓貓網友聚會，真係有講不完的貓話題架，真係好開心呀
～～～～～～～～～～～～～～～～～～～～～
今晚餐飯，有些少特別，所以開咗罐安記南非溏心鮑黎食啦
點解呢？
咪就係因為明天係我同Panda爸結婚24周年紀念囉
但Panda爸明天約咗朋友去釣魚，所以提早一日在家慶祝cheers
一罐六隻，已原罐在水煮了一句鐘有多
鮑魚伴花菇
蒸大眼雞，隔離個舊係鹹魚，見仲有半舊仔，順手蒸埋黎食
整容前
整容後
素雞，草菇，雲耳炒翠肉瓜－清清地，正
食飽飽後，又到洗碗，抹地時間啦
抹到入睡房時，見到Da仔又去搵周公子
還以為你今天又去了打牌..原來係屋企整鮑魚..恭喜甘生和甘太結婚周年紀念日
回覆刪除[版主回覆08/14/2010 22:38:00]謝謝你喔 唔好巡咁野啦, 快D好似DA仔咁, 去搵周公啦
之唔係Da仔等妳“R”頭，等到瞓著咗囉
回覆刪除[版主回覆08/14/2010 23:15:00]禾今日在家中做咗成日家務呀. 全屋抹塵, 吸塵, 預備晚餐, 真係冇停過手, 邊有DA仔咁嘆呀
的確係預備去瞓覺..剛才在刪除信箱的信..食左西藥應該瞓得著..
回覆刪除[版主回覆08/14/2010 23:13:00]速速去瞓
又話晤系成日食鮑魚 ??? anyway 恭喜甘生和甘太 24 年 X 4 結婚周年紀念日
回覆刪除[版主回覆08/14/2010 23:12:00]對上食個次, 咪係你家中囉. 都有成個月啦, 兼且, 係特別日子嘛
謝謝你們的祝福呀
Happy Anniversary~ 祝恩恩愛愛~開開心心~
回覆刪除冇諗過我今晚臨時宴客又係開左罐鮑魚~
嘩！仲有我愛吃的齋呀！日本素雞
[版主回覆08/14/2010 23:11:00]1. 多謝你呀沙沙, 大家咁話
2. 係呀, 咁啱GE, 咁你係咪開亞一呀
3. 日本素雞, 同我買開係凍肉舖個D, 差唔多啫. 所以唔會再買日本出品囉. 仲有呀, 我拆開時, 有條素雞入面, 痴住咗條膠線添呀, 個品質監控認真麻麻呢
24周年好勁呀!!! 祝幸福快樂呀!!! 日日都甜甜蜜蜜呀
回覆刪除[版主回覆08/14/2010 23:16:00]有幾勁啫, 你都會有架嘛
多謝你的祝福
恭喜甘生甘太 24 結婚周年甜蜜快樂
回覆刪除咁似我 每次嘜嘜生日、周年都係要做餐包家務，再煮到身水身汗來慶祝
[版主回覆08/15/2010 13:26:00]謝謝你的祝福先
冇法啦, 我係潮州人黎吖麻, 一個字, 捱得囉
Happy 24th Wedding Anniverary 。來年邁進〝銀婚〞啦。
回覆刪除[版主回覆08/15/2010 13:24:00]係呀, 我又唔係好識呢D架
謝謝你的祝福
Happy Anniversary!
回覆刪除[版主回覆08/15/2010 15:26:00]thank you
回覆刪除祝甘生甘太 24 結婚周年快樂!!!!
da 仔話: 見你兩公婆慶祝 24 結婚周年, 我就自己乖乖地去同周公子玩一晚, 做小晚電燈膽, 比你兩個二人世界... 一晚咁多啦!
[版主回覆08/15/2010 15:26:00]謝謝灰熊媽的祝福呀
我去food expo搵唔到一哥，真係失望！ 我只識一哥，易攪嘛！ 成個熱咗就食得，D source個味都ok！ 係呢志同道合，即係：同志，right
回覆刪除[版主回覆08/15/2010 15:44:00]去永安的超市或太古城的Apita或太古城接待處都有得賣架(即蓋印泊車個果COUNTER)
祝24週年快樂呀,最緊要日日開心,身體健康(人同貓都係)
回覆刪除[版主回覆08/15/2010 16:10:00]謝謝你的祝福
幸福滿瀉！！
回覆刪除[版主回覆08/16/2010 11:19:00]大家咁話
Happy Anniversary!!! 24年真係一段好長的日子啊!
回覆刪除[版主回覆08/16/2010 11:19:00]謝謝 你遲吓都一樣有架
Happy 24th Wedding Anniverary! 好勁！要好好學習你兩口子呢！
回覆刪除[版主回覆08/16/2010 14:51:00]你一定得ge
祝甘生甘太24 結婚周年快樂
回覆刪除[版主回覆08/16/2010 14:50:00]謝謝你呀
我會試下咁煮法，謝謝！
回覆刪除[版主回覆08/17/2010 23:48:00]甭客氣