難得攞到一天假，又入梅窩探父母親大人啦
途中，遇到一群牛牛
黃皮樹上次去，仲係青ｂｂ的
睇吓，今日已變黃色啦
但姐姐話未食得住架，要變成褐色先甜架
媽媽種的茄子，上面係紫色，下面係白色
大家又知唔知下面幅相，埋係泥土下的又係乜呢
係．．．．．薑呀
咁．．．下面大家又知唔知係乜東東黎呀
知唔係．．．．番薯囉
木瓜樹
大家都知啦，去梅窩的船，加咗價，一程都唔平架，尤其是假日，仲貴到飛起添．
所以我都係揀平日入去，兼行陸路，唔行水路去啦．
在沙田就搭E42，在大埔就搭E41，係第一個站落，即東涌消防局，行過對面搭3M就到梅窩架啦．
由七月份起，所有3M巴士路線都經梅窩街市，唔使在碼頭落，可慳番一大段路程呢
影底咗3M巴士線時間表，大家若想搭巴士入梅窩，
就望吓個時間表啦
坐到下午，就走啦．番到沙田，雙腳又不期然咁行去街市啦
打個白鴿轉，又買齊餸，雖然得我同Panda爸食，若唔使番工，就心思思要玩煮飯仔架啦
攞咗三個細小的蕃薯，切粒粒，撈埋落ｄ飯度一齊煮，煮緊期間，聞到陣陣蕃薯的香味喔
蕃薯飯
煎馬頭
花甲煮翠肉瓜
蒸豬手肉（購自超市）
簡簡單單又一餐啦
蕃薯飯，未食過喎
回覆刪除[版主回覆07/19/2011 22:04:00]好似芋頭飯咁囉
like a big organic garden
回覆刪除[版主回覆07/19/2011 23:07:00]老人家有d細藝咁囉
D牛牛有冇人養, 之前聽到好多耕戶唔再需要牛耕田, 放生佢哋, 由得佢哋自生自滅, 有時有D衰人為咗捉牛, 重要用刀整傷D牛....而家重有冇呢D事//
回覆刪除[版主回覆07/20/2011 09:19:00]d牛係冇人養架, 自由自在的. 係梅窩, 我又冇聽家姐講有人害d牛呀
搵次真係要跟你去梅窩逛一逛..我真係幾拾年冇去過啦..住車去東涌再轉車都啱我喎..
回覆刪除[版主回覆07/20/2011 09:18:00]好呀, 有機會, 約埋你一齊入去啦
又打錯字..坐車打左..住車
回覆刪除好充實嘅一天! 待秋涼搵日行陸路一遊!
回覆刪除碗蕃薯飯健康又好食!
花甲煮翠玉瓜, 蒜茸香、花甲和翠玉瓜各有鮮甜清爽! 高分!
[版主回覆07/20/2011 09:27:00]記住平日去呀, 車費冇咁貴, 又唔使同人迫.
遊完梅窩, 仲可以坐番車去東涌, 個度有個大商場, 有名店, 賣outlet貨, 食吓野, 都唔錯架.
花甲翠玉瓜, d瓜吸咗花甲的鮮甜味, 好食到不得了
好熱呢，你個廳又無冷氣！甘太煮飯好辛苦呀！
回覆刪除[版主回覆07/20/2011 10:45:00]冇法啦, 唔想成日出街食嘛
粒木瓜好大呀.... 原來坪州可以搭車去..
回覆刪除[版主回覆07/20/2011 11:39:00]我講係梅窩, 至於坪州, 我就唔知得唔得啦
那裡簡單呢 看到這餐的餸 已經覺得唔簡單啦 我媽鎷都有位朋友在梅窩 住 都話有塊田種嘢呀
回覆刪除[版主回覆07/20/2011 13:27:00]係呀, 咁啱?咁你都可以入去行吓架
黃皮甜甜酸酸真係好好味呀。
回覆刪除[版主回覆07/20/2011 13:27:00]我都食架
有地方種野真係好，全部有機~~
回覆刪除[版主回覆07/20/2011 14:47:00]我就怕怕啦, 攪到雙手都係泥, 亞媽掘開d泥攞蕃薯時, 係d泥度, 見有隻昆蟲好驚咁走出黎, 嚇屎我啦
自給自足又幾好~ 坐車入去梅窩要幾耐呀?
回覆刪除[版主回覆07/20/2011 15:23:00]現在開咗條新路，唔使兜大圈，唔計等車，車程半粒鐘咋，以往行舊路，要四十五分鐘左右啦．
我都覺得自家種o既野係好新鮮，味道都唔同d...
回覆刪除[版主回覆07/20/2011 17:35:00]係架
自己種一定鮮甜美味
回覆刪除[版主回覆07/20/2011 22:57:00]d蕃薯裡面係紫唔哂架, 甜味就唔及一般街賣的甜啦