1月10日那天，中午仍頭痛痛，故此＂的起心肝＂走去睇西醫啦。
到了診所，給過往的血壓指數比醫生睇。當然他沒理會那堆數字啦。就用佢診所的水銀血壓計幫我量。量完後，佢話下壓係有少少偏高。照現時黎睇，不算太嚴重，可能是感冒引至頭痛。我話我食咗必利痛都冇用喎，佢就話醫頭痛仲有好多種藥架嘛。他還說電子儀器，未必咁準確，還叫我下次可帶埋部機和佢部水銀機一齊量吓，就知道電子儀器相差有幾多度。
醫生開了一些感冒藥，喉嚨發炎藥，維他命和喉糖。三日藥，一百八十元。
到了今天，又真係好咗好多喎，頭痛冇咗，個人得咗。經過今次，可能係一個警號話比我知，要小心飲食。
今早，雖然大埔區勁凍，個口仲出煙呢但我又去逛我的至愛－街市啦。菜單如下：
１－西洋菜羅漢果陳腎煲唐排
２－梅菜蒸鯇魚腩
３－西蘭花伴牛柳
頭唔再痛後，個人的情緒亦冇咁負面，再冇成日諗埋一些唔好的事情，有時真係壓力是自己造成的。
好多謝朋友，親戚和卜友們的留言及問候和關心。在此再一次多謝你們。我的心情已好番好多了。
自從我Panda仔尿道炎好番之後，貓奴媽咪就好少買罐罐比我食啦
但今晚貓奴番歸時，居然有罐罐。嘩，真開心，再遇番罐罐，開心到典來典去呢
主子，你滾來滾去都冇用架啦，貓奴今晚唔會比罐罐你食架啦，明天睇吓你乖唔乖先啦
人生, 已過了一大半. 踏入中年, 身體機能的小毛病亦開始展現. 成日見到那些公公婆婆, 都係話自己有高血壓呀, 風濕關節痛呀, 糖尿病呀咁, 心想, 這些都是年紀再大一些先會發生的.
但, 真的估唔到, 會發生在我的身上來. (真係咁快... 就要我長期食藥?)
原因是, 早幾日, 個頭好痛, 諗住食粒止痛藥就得啦, 怎知, 幾個鐘後, 仍然咁痛, 一些舒緩跡象都無. 於是就走去睇中醫. 中醫一見我, 就話我塊面好紅, 問我有冇量血壓的習慣, 當然冇啦. 於是量一量, 下壓高些少.
不知是血壓高的關係引至我頭痛, 定頭痛引至我高血壓, 所以暫時開一些降血壓和止頭痛的藥, 睇吓過幾日會點.
這幾天, 我早晚都量住自己的血壓, 又真係高咗些少咁喎. 如: 119/90, 130/91, 120/87, 及至今朝是133/92. 我唔知這些數字反映d乜野, 我冇這方面的知識.
唔怪得之, 我有時都覺得有一, 二吓暈暈地咁啦, 但從冇想過自己有血壓高.
現在, 我都唔知點樣去處理這個問題, 去西醫度confirm自己有高血壓, 然後長期食藥定或是不去理會, 在飲食方面, 盡量少盬, 睇吓有冇改善咁呢???
哎, 唔知好地地, 知咗, 就成日覺得自己可能有朝一日會爆血管, 個心真係唔係咁舒服.
早前，得Ｍilky通知，尚欠Panda一件的貓衫已到，又得餅媽同意，可到餅媽處取。在這裡，謝謝餅媽給我的方便。 今晚，叫亞仔行吓Cat Walk 先
各位姨姨，我型唔型呀
