Panda媽星期五剝咗隻牙
，星期六仲邊有心情去慶祝22結婚週年紀念呀
雖然正日冇得去刷餐勁，但正日就同班好友去攻打四方城啦，成日都話打麻雀能醫百病架啦，而我仲係超級魚腩黎架
，今仗又輸了千個大洋啦
哈哈，冇所謂啦，最緊要是享受其中的過程，同朋友們有傾有講，無所不談，那用理會輸定贏呀
Da Da今天的動態
今日，Panda爸見我個傷口都埋得七七八八，八八九九，就提議去大埔彩福食晚飯啦。
今晚叫了隻象拔蚌刺身
($450元一隻)
仲送埋個湯底，可灼來食。不另收費。
椒鹽瀨尿蝦，每隻48元，都算過得去。
但比起清水灣布袋澳發記海鮮.......就冇得比啦
上湯焗龍蝦加伊麵底，每兩24元，這蝶就差不多要五百多元。
豆苗牛肉，一般酒樓水準啦。略嫌貴了些少
大家又不妨估吓佢值幾多銀呢
好，開始... 40... 50....60...定70吖...
以上都唔係，正確答案係單價98元，仲未計加一。我就覺得這個餸唔值咁o既價錢啦
入單紙
這頓飯合共$1380
Panda爸話好意頭喎
點都好啦，多謝Panda爸
早排, 食親凍或熱的食物或飲品, 棚牙都痺到不得了.
走去睇政府牙科, 第一次睇話查不出原因, 還說我是得了甚麼怪病, 還轉介我去北區醫院睇專科, 一排就要等二年, 痛死都未等到啦.
過了數天, 持續疼痛不已, 我又走番去睇急症, 同個牙醫講, 話真係好痛, 可否幫我照x光, 佢見我番頭再找佢睇, 佢亦不好意思拒絕我的請求.
照完後, 佢話冇乜題喎,不過估我有一隻補過的牙, 內裡可能有問題, 故此建議車番開佢, 睇吓入面有乜問題.
哎, 明知我有敏感牙齒架啦, 又唔同我打麻醉針, 一車就車落黎, 嘩, 痛到叫救命, 咁佢又話, 咁呀, 打麻醉針啦. 我頂, 又唔早打, 唔使受呢一野嘛.
車開之後, 醫生話隻牙入面有裂縫, 隻牙冇得救, 咁我話, 係咪要剝, 佢話, 唔好, 救吓佢先啦, 杜牙根睇吓點. 即日就幫我杜了一次, 還有四次要杜喎, 但係個四個期, 嘩, 又要等二年, 唔係吖嘛.
個次杜完之後, 又真係好好多, 冇哂個d痺的感覺, 心想, 安樂哂, 可以鬆一口氣.
怎知, 今天中午出外食lunch的時候, 仲係食米線, 一d都不是硬東西, 突然之間, 覺得那個位置很不舒服, 還覺得成口杜牙根的藥水味, 嚇得我拿拿淋番公司, 出個email比老板話走去睇急症.
去到診所, 好彩不須等太耐, 檢查後, 醫生話隻牙裂開咗, d藥水味走了出來, 要立刻拔掉.
聽罷, 話要剝牙, 真的, 當時我全身打冷震, 驚到不得了. 冇偈, 點都要剝, 打了2枝麻醉針, 出外邊坐一會兒, 又入番去........
吖大個口, 見醫生係咁拔, 係咁轉, 我心諗, 如冇麻醉, 真的不敢想像.
拔完後, 醫生同我講, 1. 可種番隻牙, 但要鑲 '羅絲'在空位上, 但那裡滿佈神經線, 有一定的風險, 要詳細考慮. 2. 做牙套, 但要覆蓋埋左邊一排牙(不會單獨做一隻). 3. 做單一隻都得, 可去私家做, 但醫生說做一隻, 有一定的危險, 可能會甩掉, 卡在喉嚨, 還說試過有人咁樣而死掉.
聽罷, 咪即係乜都唔好做啦. 到了十二月牙科覆診時, 再同醫生詳細傾傾先.
明天仲係我同panda爸的22年結婚週年紀念, 還諗住刷餐勁添, 睇怕都冇囉
希望今晚唔好牙痛就痾lee吉帝
即刻比草草da da聞, 等佢鬆弛
