有金執

這兩天, 我發覺寶貝da已有兩天沒有便便.

個便盆, 只係得尿尿, 心裡總是忐忑不安.

個腦諗埋一些負面的事情來, 會唔會條腸塞咗呢? 

若塞咗, 又會唔會有生命危險呢

但我見da da又鬼死咁精靈, 通屋跳, 又嗲我

而panda爸就話我諗多咗, 遲一天, 半天, 有何大礙呢

?

 

今早, 起床後, 出廳, 見到盆盆有動靜, 諗住有金執啦, 立刻飛撲埋去, 點知一剷,

是尿尿o黎, 激屎禾

哎, 都要做架, 剷完, 掃埋地, 我就去煮麥皮食啦.

咦, 我見到da da又走去個盆度, 有所動靜咁, 於是, 我郁都唔敢郁, 聲都唔敢聲,

費事嚇襯佢去辨大事. 

好囉, 終於有金執啦, 安樂哂.  真係慘過自己冇得痾咁呀

其實, da da 日日都有得去架, 唔知點解今次要兩日咁耐先至痾呢

各位卜友, 你們的寶貝又係點o既呢