Panda洗白白之發爛渣

有不少卜友都知，同事兼卜友萬能豹是幫寶貝仔沖涼的。但因萬能豹一些私人理由，以後不能幫寶貝仔沖涼啦。她想教我沖，於是大家都放假一天，她來我家教我怎樣幫DA仔沖啦

講真，今天亞仔特別惡兼難服侍，可能我在場啦，fee聲不絕，踢腿，起爪，怒吼乜都出齊禾從未見過寶貝仔咁惡架

由刷牙，洗耳，洗眼，剪手甲，腳甲到剷毛，禾都覺得好難，禾一個人點可以做到呀，你們實會話，叫Panda爸幫手咪得囉。Da爸會用嚴厲手段架，我驚到時Da仔會嚇親呢

剪甲，剷毛已fee到九彩咁，要半場比佢抖吓，講真，禾都要抖吓呢

這張相是剪剪吓，發難渣，於是放佢一馬

勁唔開心樣

剷背脊毛就好乖，郁都唔郁，但。。。。一反轉剷肚底毛，加拿大毛就惡過老虎

後來，萬能豹幫佢戴個喇叭等佢發唔到惡

叫做上半場攪點哂，我去煮些魚蛋米粉加個菜就當係午餐啦

到沖涼啦，反而冇之前個Ｄ咁激，只要捉實佢，快快手幫佢沖，都好快攪掂。係個浴缸內，走得去邊呀

你哋可能會問，不如出街比寵物店沖啦，禾可以答你，禾以前就係比九龍城一間寵物店沖，每次都一肚氣攞番隻貓走，貼錢買難受，我亦不想再提個Ｄ激氣野啦。

所以自己同貓咪沖，一定好過出街沖的。但禾感覺好大壓力呀，好唔開心呀

當然，在這裡，我要衷心多謝萬能豹，她的確幫了我很大的忙，令我放心擺低隻貓比佢，她對Panda非常之有愛心，處處忍讓牠的臭脾氣。

無奈，我亦要尊重她的決定，對嗎

唔緊要啦，凡是總有第一次，我想我會應付得黎的。

Panda經過大半天的勞役，攰到要去搵周公呢

亞仔，攪完你，Panda媽禾腰酸背痛呢