今早,又例牌去買餸啦入到街市,好多海鮮買,種類繁多,可能係臨近父親節的緣固吧
兜咗一輪,買咗三餸一湯的材料,就回家去啦。因為有個餸都幾化時間架
湯方面有:
粉葛二斤($30),鯪魚一條($20),豬脊骨($20),配赤小豆,扁豆適量。煲佢三個鐘,攪掂
真係好好飲,非常正
游水海肉蟹一斤八十元。這隻斤鬆D,九十個大洋
薑葱炒蟹。見雪櫃仲有半包咖喱,落埋佢啦
一路睇住世界杯,一路慢慢嘆,D蟹肉鮮甜無比,滿足哂我這個蟹痴呀
游水養斑$60
估唔到條養斑又幾滑喎
標題講食手工,我就係講呢樣餸啦
梅頭肉攪碎加少許梅菜,調味後,攪均佢,備用。
買咗四兩豆卜,出水,然後沖一沖水,渣乾水份,把肉碎釀入豆卜內,面層酒上一層薄薄的生粉,鎖住個肉面。然後放入雪櫃,備用。
西蘭花用油鹽水灼熟,放碟邊,作裝飾用。
煮時,落些少油,把肉個面煎一煎佢,等佢定型,然後落醬油,糖,水,蓋個面,炆佢十五至二十分鐘,就可上碟。
這味餸,我都係第一次整,我都覺得自己成功架
餡料用唔哂,留番一細碟,明天就蒸肉餅啦
中午,都係熱屎貓,唯有開住冷氣比Da仔瞓啦
乖乖Da
粉葛湯我最愛!
回覆刪除我未試過咖哩炒蟹!
養斑食味一時時,滑就好好喇!
肉碎釀豆卜我流晒口水了!
[版主回覆06/19/2010 22:46:00]個湯真係好正, 隔埋渣, 飲得放心D. 因為條鯪魚溶哂
個咖哩, 我都係買乜乜記的調味包, 自己再加少許醬油, 糖咁啦.
條班可能蒸的時間啱啱好, 所以唔嚡.
我都覺得肉碎釀豆卜, 真係好好食. 不過在廚房企咗粒幾鐘, 刴完, 釀緊過程中, 我D汗不停係咁滴呢
我剛又更新了
回覆刪除[版主回覆06/19/2010 22:46:00]覆咗你啦
我都兩三日無煮飯
回覆刪除[版主回覆06/20/2010 17:05:00]嘉菲老爺抱恙, 若係我, 我都冇心機煮飯啦
咁複雜, 我好難整黎帶飯喎.
回覆刪除[版主回覆06/20/2010 17:04:00]唔難架, 不過係要花點時間整囉.
香港真係好熱,熱到Da仔反晒肚
回覆刪除[版主回覆06/20/2010 17:04:00]涼快D嘛
我都要瞓到咁呀~~~
回覆刪除[版主回覆06/20/2010 17:03:00](Empty)
粉葛湯好正呀
回覆刪除肉碎豆卜扒西蘭花一流
DA仔好可愛呀
[版主回覆06/20/2010 17:03:00]謝謝你的讚賞呀
甘太,下次試買白鯽魚代替鯪魚,因鯪魚偏燥,如妳要這湯去濕清骨火,白鯽魚效果會好好多。資料由某中醫提供。
回覆刪除[版主回覆06/20/2010 21:13:00]我都知,但有諗得咁仔細,就買咗條鯪魚啦
靚到同酒樓一樣!
回覆刪除[版主回覆06/21/2010 11:42:00]邊樹係呢, 見笑, 獻醜就真啦