自煮篇

繼上一篇之痛風症，得到好多網友的關心及留言，在此我衷心謝過各位的問候

食咗去尿酸的藥，真係冇咁痛。這兩天飲水比以前飲多咗。

食野方面，亦從網上搵到一些資料，知道那些可以食，那些不可以食。

頭號唔可以食的，約有：蜆，豬潤，帶子，豆類，豆類製成品，波菜，紫菜，露筍，同菇類等等（我最喜愛的菇菇，禾地以後都係少Ｄ見面好啦，拜拜啦）。

肉類方面：差不多樣樣都唔食得，只可淺嚐即止。這，我倒沒有所謂，肉類我平時都唔係食好多的。

今天，一如以往的，去街市買餸啦。（落大雨，有雨傘個身都濕哂）

但今次去到街市，感覺好唔同，時刻要提醒自己：喂，呢樣唔食得，個樣唔好買呀攪到我去買餸冇以前買得咁自在呢

睇吓今晚食乜啦

大眼雞魚湯做湯底配矮腳白菜魚蛋（本來落埋豆腐架嘛，但。。）

中午時煎定Ｄ紅衫魚，到煮晚飯時，才煮埋個蕃茄汁落去，咁就快靚正啦

因成日聽到新聞話，有市民處理食材時不小心拮親，有食肉菌咁話，想起都怕怕，所以我現在都會預先剪哂魚上的鰭，才去劏魚架。

蕃茄煮紅衫魚

蕃茄炒蛋

蕃茄六蚊雞有五個咁多，煮個兩條紅衫魚，用不著五個呢，於是留起兩個，淥咗滾水，剝咗皮，切粒粒，整蕃茄炒蛋啦

腩排蒸雲耳

這碟，Ｄ肉我頂多食一二舊，雲耳我就會食多Ｄ

之前，見網友沙沙整子薑皮蛋（無鉛個隻皮蛋），見到凍肉舖有得賣，買咗一盒番歸，遲些買埋Ｄ酸薑，配埋一起食，就perfect啦

Da仔的背影