早前，朋友的朋友狗狗需要輸血，徵求大隻狗狗來幫牠的．今天，從朋友口中得悉佢已出院．但過程真是一匹布咁長架．我都係簡述我朋友同我講的大概經過吧．
狗狗的主人，早前收到獸醫的通知，話隻狗狗不久於人世，仲有２４小時命喎，叫她們見狗狗最後一面．主人當然飛奔去啦，陪伴期間，隔離也有一位主人陪伴他們的寵物，得悉朋友的狗狗命危，向她們說靈芝可幫到狗狗的．還主動車朋友到他家取．飲過後，有一天，獸醫話隻狗可以出院．仲話係奇蹟添．當然獸醫是不知道隻狗曾飲中藥啦．
狗狗住了大約２星期醫院，使費約十萬大元．錢都是事少，最差的是根本醫生話隻狗冇得救，牠共輸了二次血，獸醫都係話冇得救．朋友又問，點解隻狗會咁的，咁的，佢就話打咗類固醇針隻狗係咁架啦．完全不是想醫好隻狗．
好彩，她們撞到一位熱心，又有愛心的人，還給她們靈芝，當然仲有其它藥材，朋友話唔記得咁多．狗狗條命先可以救得番．但隻狗狗體內還有個踵瘤，睇怕都仲要一段長時間先至可以康復過來．
真的，不要盡信獸醫的說話，得番２４小時命，但你們睇，隻狗狗可以番到屋企啦．
從而得到點啟示，是否需要幫寵物買保險呢
祝狗狗盡快康復過來，做隻可愛活潑的史納䔋
朋友的狗狗據知身體好弱，但隻眼仔就好精靈。朋友的狗狗除了有貴人幫助外，最重要是有朋友及家人的愛心，對牠不離不棄!也在此祝狗狗快快康復!各位寵物主人，記得對寵物永不放棄呀!
回覆刪除[版主回覆02/18/2009 17:27:00]冇錯, 你講得好啱, 永不放棄
貓狗有重病好像也很難醫治
回覆刪除[版主回覆02/19/2009 00:04:00]但我們作為主人, 應該是永不放棄架嘛, 想盡辦法都要醫好自己的寵物, 係咪 我隻DADA曾住院數天, 都要使成過萬, 錢都唔係問題, 我仲出得起, 但牠不在家, 那段期間, 真的掛死我架.
不過十萬元醫藥費..我就沒咁多錢啦..
回覆刪除[版主回覆02/19/2009 00:00:00]醫生曾經叫佢不如帶隻狗出院回家照顧, 話咁樣住落去, 費用唔少架, 但朋友當時覺得隻狗咁虛弱, 番屋企都唔知點照顧佢好. 所以攪攪吓咪要差不多十萬元囉
現在D獸醫真係最賺錢..應該是搶錢才對
回覆刪除[版主回覆02/18/2009 23:57:00]錢使咗, 但又唔係醫番好喎
宜家出得院太好了~ 恭喜晒~ 希望佢快d好番啦~
回覆刪除[版主回覆02/18/2009 23:57:00]我都係咁望架
甘太..你的貓貓幾多歲..剛在趴趴那裡看到你說貓貓三年打一次針
回覆刪除[版主回覆02/19/2009 09:59:00]已在你卜內覆了你
好像初生貓貓二個月開始就要打針共三支..一個月打一次
回覆刪除[版主回覆02/19/2009 09:59:00]我唔知生貓貓要點架, 因da da黎我家時已一歲架啦
狗狗總算可以大步檻過，希望佢可以好返 ，不過間獸醫醫院就好搶錢喎，10萬蚊住兩個星期，好貴呀~~~~~
回覆刪除[版主回覆02/19/2009 11:24:00]可能輸咗２次血，費用不菲呢
原來da da一歲才去你家架..咁一歲前邊個養da da的
回覆刪除[版主回覆02/19/2009 14:06:00]是我一位舊同學的朋友, 佢冇時間照顧panda, 所以同學搵我收養da da 囉
請問邊間獸醫診所呢？收費這麼貴？？！！
回覆刪除[版主回覆02/19/2009 14:34:00]我在e貓覆你吖, 始終涉及私隱嘛
哎...有時我地都吾知VET嘅說話係真或假，通常遇到咁嘅情況都會好旁惶；如果好彩遇到好嘅VET就好啦，但遇到d貪錢就銀包係咁流血，竉物又受苦…不過好彩狗狗又遇到貴人，你朋友有無帶狗狗睇第2個Vet，聽聽其他建議？
回覆刪除[版主回覆02/19/2009 23:29:00]詳細情形我就唔係好清楚啦, 不過我諗佢都要另覓獸醫啦, 因佢隻狗仲有個踵瘤呢
我好同意你所講, 不是個個獸e都好架! 遇到不好的隨時令愛貓/愛犬枉死或延遲了救治....
回覆刪除我也有一段不愉快 experience... 所以現在不會再要貓狗去 SPCA 睇病. ..
[版主回覆02/20/2009 10:06:00]好多人話愛護動物協會.........