五月十六日，是日攻打四方城。由三點打到差不多九點。Panda媽是超級魚腩黎，賽果當然又係輸啦
，自己覺得可能有一舖打弱咗。就是打隻一筒，下家開槓自摸，輸了五百七十六個大洋，自此以後，Ｄ牌就麻麻地啦，１２圈牌食咗三舖，只係輸一千零三十，真係替自己抺一把汗呢
真係唔明自己交咗咁多年學費，一丁點兒進步都冇，可能我冇記性兼唔識計番啦
冇法啦，技不如人，輸錢應該的
但能享愛個中樂趣，已感滿足
打完牌，駕車落粉嶺魚米之鄉食晚飯啦。好肚餓呀
回家後，又要執屋啦
指定動作，每次打完我都會洗麻雀的，洗水杯啦，掃地咁，做完都好夜，瞓落床差不多零晨一點有多
明早我又要去逛街市啦，諗記都開心
明早我又要去逛街市啦，諗起都開心
回覆刪除昨和今天我都冇去......聽到你去逛街市都我都開心埋一份！
輸錢應該的，但能享受個中樂趣
咁好既腳去邊度搵！
[版主回覆05/17/2009 22:29:00]1. 我至鐘意逛街市架 有時就算那天唔煮飯, 我都會去行吓的
2. 笑我ge
打牌真係要講運氣..打錯一鋪就慘啦..我最記得當年有鋪牌..下家很早就萬子九章落地..當時我已經叫緊糊..後來上家打隻一索..我鋪牌內有三隻一索..我當時想開槓但又擔心摸隻萬子包下家..結果就唔去開槓..唉..怎知道原來我肯去開槓就可以摸到隻雙番西回來食五番牌啦..結果就係衰左呢鋪後就一直輸到尾..還輸了我好多錢..嗚嗚嗚..差不多20年的慘痛打牌經歷..我呢世都唔會忘記
回覆刪除[版主回覆05/17/2009 22:37:00]你打幾大呀? 我昨天打的是 : 其實我唔知我打幾大架, 總之如果十三么自摸, 就位位$256. 摸旺比$10. 食出十番的可攞哂全部累積, 兼打砲砲響. 我成日都打出一砲雙響比人哋架
當年我們打牌很簡單..自摸4番就每位80元..5番160元..沒有打全沖的..我就最怕打全沖..因為現在少打牌..所以唔夠人地咁高章..
回覆刪除[版主回覆05/17/2009 23:00:00]我唔識計番的, 4番收80元, 咁係咪打好大架 HAPPY媽, 你可不用解釋比我聽架, 我好蠢的, 你講咗我都係會唔明的
街市我每天都逛架..因為家樓下就係..就算唔買菜都會路過
回覆刪除[版主回覆05/17/2009 23:07:00]我要搭車去或行路去囉, 都唔近的 你就方便得多啦
我們家庭主婦街市近最重要..我又唔鍾意買埋幾日餸既..日日新鮮比較好..
回覆刪除[版主回覆05/17/2009 23:20:00]住得近就可以囉，我就唔可以啦 以前多數買三日的餸
拱多沙律醬
回覆刪除[版主回覆05/18/2009 09:37:00]口感滑d吖嘛
甘太原來你中意打麻雀架, 我就唔識 LU...
回覆刪除[版主回覆05/18/2009 09:37:00]禾係嫁咗禾老公, 先學識架咋. 因佢哋全家都識打
你係職業婦女要上班當然要買定多d餸啦..
回覆刪除[版主回覆05/18/2009 09:35:00]亞仔細時, 有工人, 禾番到屋企, 就食得飯囉
打麻雀我都唔掂，輸咁多錢我會肉痛o架，我情願用呢啲錢食咗佢
回覆刪除[版主回覆05/18/2009 09:33:00]禾都唔係成日同個d朋友打架, 很難先至約到的
禾唔識打麻雀架.....
回覆刪除[版主回覆05/18/2009 11:16:00]都好吖, 年中慳唔少架