晚飯篇之西貢茶餐廳

今晚又唔知去邊度食晚飯好突然叮一聲，記得有位卜友介紹過西貢有間食中菜的．價錢合理

咁啱亞仔今晚在科大有野攪，要成六點鐘才走人．咁就一於入去接埋佢，順道去西貢食囉

可能唔係假日啦，去到都係六點半左右，仲有大把車位任揀添

白沙灣碼頭

望到啦，望到啦，係佢啦

炒蟶子，雖然唔係大蟶子，但都炒得好惹味

椒鹽瀨尿蝦，Ｄ肉好爽甜，正

蒜茸蒸海蝦，大部份蝦都有膏添呀

蟹就一般啦，可能係同蟹種有關，若係肉蟹會好食Ｄ，但都算唔錯的

煎釀豆腐，咪睇佢個賣相黑炆炆咁呀（豆豉），都幾好食

通菜炒牛肉，牛肉好好食

這碟雞腳同鴨腎，原先冇叫的，但見有枱客叫，咁又叫碟黎試吓，都好味

加埋枝裝汽水，咁就為之perfect啦

走出去埋單，只需504個大洋，老細仲豪咗4蚊比我地，實收隻牛就算囉喎

鳴謝卜友莎莎的好介紹

其實，唔係一定要食海鮮的，我見都有好多小炒，價錢一Ｄ都唔算貴。

晚飯其間，禾見到有枱客叫西多士，餐蛋麵添呀，適隨尊便架各位有興趣，不妨走去試試。

記住呀，星期三店舖休七點架。所以逢星期三就唔好去食晚飯啦

肥餅，發少之大駕光臨

嘩嘩嘩今午，肥餅，發少出巡到我公司呀

禾豈敢怠慢拿拿淋出去迎接２位貓大人啦

發少比較怕醜，冇耐就用個pat pat對住我呢

肥餅出慣大場面，毫無懼色，好大大佬風範

肥餅好夠件頭呀，禾差ｄ抱唔起佢呢

感謝餅媽帶２位主子上黎探我呀，仲有雞蛋卷添呀多謝哂

放假天之梅窩行

四月二十七日放假一天

早上，買了點餸菜便入梅窩探父母啦

家姊門外的芒果樹又結果啦但亦如往年一樣，跌了不少落地對我地呢班食家黎講，好有影響架嘛

舊年我都分到有二個但今年家姊話我只可能分得一個咋

亞芒果小朋友唔該你唔好再跌啦，乖乖地係棵樹度，唔好曳啦

若你再曳曳，禾驚出年我一個都分唔到呀

家姐門外種的花花

黃皮樹－夏天就黎有得食

愉快的一天