Da仔睇完醫生了

終於望到今朝九點啦拿拿淋見醫生。Da體重係3.7kg。

講咗一大輪，總結係皮膚乾燥，亦可能係金錢癬作怪。取走一些皮屑作化驗，兩個星期有結果。問我貓咪易餵藥嗎？答案點會係'Yes'呀，於是個醫生話咁就打２枝針啦。諗住若肯食藥，就打少枝喎。佢打針時，我係唔敢睇，背住呢

(後加 : 下午打番去診所問Da仔打個2枝係乜野針黎. 姑娘話一枝係抗生素針, 另一枝係消炎針)

開咗枝藥水沖涼，一星期三次我昨天先同佢沖完涼，都係隔多幾天先沖啦

醫生檢查時，話Da仔心臟的雜音比３年前大聲咗好多。要留意住。係心漏病喎我問醫生，點解三年前個位醫生話係雜音，但而家變咗心漏病架。佢話二者都係一樣。

所以，醫生話若沖涼時，貓咪緊張的話，就唔好同佢沖。咁。。即係點呀，又話要一個星期沖三次，但又話若貓咪驚，驚佢心臟負荷唔到，就唔好沖。我要點做呀

醫生助手還說，放藥水時，要停留在貓咪身上十分鐘，還要按摩，讓藥水能滲入皮膚，達至最佳效果。

過幾天又話天氣轉涼，點沖呀，好煩呀

放下一千個大洋就離開診所啦。車行到一半，手提響起，原來我忘記拿枝藥水，Da仔真係令到我失失慌呢

(請各位不要打比我，我現在心情唔係咁好，我驚我講唔到野，對不起，我知大家關心我同Da仔)