Panda有野講(更新-紅色字)

早在半年前，找人同da仔傳過心大家若有興趣，可重溫以下網誌

http://hk.myblog.yahoo.com/jw!y8tCfk2fEwAHGIiE8TxhRc1_/article?mid=9779

事隔半年有多，再黎多一次

今次真的要鳴謝一位網友的幫助呢

對話大概如下：

網友：Da仔開頭都好怕醜，唔係好想睬我！問多幾次至望吓我．

網友：喜歡亞娘收養你嗎?

Da仔：唔明咩野係收養，只係知道呢個係我的家．

亞娘：好開心Da仔咁講

網友：鐘意亞娘嗎？

Da仔：我愛媽媽，覺得媽媽好溫柔．

亞娘：禾有少少面紅添

網友：你初初黎時，好驚爸爸，現在開始接納Daddy未？

Da仔：我唔係唔鐘意Daddy，佢有種好嚴肅的感覺，都係保持距離好ｄ．

亞娘：其實爸ｂ都好錫你架．

網友：除了乾糧，喜歡食何種小吃呢？

Da仔：我鐘意食好似肉乾的小食，有小小咬口，但又唔係乾到好似柴個ｄ．

亞娘：真係唔知Da仔講個ｄ係乜黎

更新－

亞娘收到Da仔前主人的訊息，佢話Da仔所講的小吃，應該係蒸雞胸肉喎。

我猛然醒起，我以前都有整比佢食架。但有卜友話唔好食咁多，對波斯貓的腎臟唔係咁好，所以我就冇再煮啦。

原來寶貝仔想食雞肉，好啦，咁我就久唔久先蒸Ｄ比Da仔食先至得

（好多謝前主人提醒我呀）

網友：鐘意出外洗白白定鐘意亞娘同你洗呀？

Da仔：我根本唔鐘意洗白白，但若一定要揀，當然要媽媽洗啦，個心都定ｄ架．

亞娘：咁我盡量同佢沖啦

網友：亞娘要我同你講，遲些屋苑大維修，亞娘可能要同你一齊搬出去住一排，比定心理準備你喎．

Da仔：咩野叫做搬出去呀

網友：佢唔係好明搬出去的意思，我只好提醒佢無論搬去邊，媽媽都會好好照顧住你架．

亞娘：唔明就算啦，我諗唔係咁大問題，因為就算搬出去住一排，都會帶埋Da仔同行的．

網友：有冇掛住前主人？

Da仔：冇．邊個係前主人？

亞娘：希望前主人不要介懷就好了

網友：有乜野想同亞娘講？佢冇乜反應，我就問佢，上次亞娘攪貓聚，你有乜感覺呀？

Da仔：係啦，好多人，嘈到屎！

亞娘：大家開心聚聚麻

網友：咁係咪唔想再有人上黎探你呀？

Da仔：又唔係，因為感覺到家人都好開心，所以冇問題

亞娘：多謝Da仔

網友：總括黎講，Da仔係一個好滋油淡定的乖豬黎，有亞娘係身邊好安樂！唔多鐘意比人攪，有時鐘意嗲下亞娘，但唔睬亞娘時都幾寸架．

亞娘：係呀，佢都算係一隻高竇貓黎

 謝謝呢位網友