鼻炎

七月初，發覺左邊鼻孔入面脹脹咁，還有些血滲滲吓，於是走去睇西醫甲．

西醫甲係咁易望吓，跟住就話可能係感冒影響個鼻膜，食藥冇事的．取了三日藥．

食到第二日藥，個鼻丁點兒好轉都冇，仍然繼續滲血，ｄ血又不是多到溜出黎，而是在鼻腔內凝固，很不舒服．

還有一天藥食，但都等唔切，再去睇番西醫甲，佢話，咁吖，換過ｄ藥比你啦．如是者，又照食藥，當然結果都係同先前一樣．還開始覺得另一邊鼻腔又開始同樣的問題．（食咗六天藥）

於是，唔忿氣，又走去睇另一個西醫乙．解釋一大輪，係話個鼻膜出血，同時亦有感冒，好啦，又繼續食藥．（２日藥）

直至今早，番到公司，個心十五十六，又諗埋ｄ負面野，驚係個味野，都係唔好啦，正正經經搵個耳鼻喉專科睇吓好．

於是上網摷，近近地揀咗旺角中心內的耳鼻喉專科醫生，求其打一個電話，預約期比早上十一時半．

去到，專科醫生問咗我好多問題，如：有冇嗅覺出現問題呀，聽野清唔清，有冇鼻敏感．．．．之後，就睇個鼻，一睇，佢就話：嘩，裡面損哂喎，左邊最犀利，右邊都有損，跟住按吓我的頸附近，照吓耳仔，睇吓咽喉．（實情，我從無攪過個鼻，何解會損架呢，真耐人尋味）

攪完一大輪，問我家族有冇人患鼻咽癌，我話冇．我問他，我係乜病？

佢話照咁睇黎，係個鼻發炎，亦可能係鼻竇炎先兆，這個就要照才會得出結果，現階段，似發炎多些，鼻咽癌就唔多似．比五日藥，再覆診．

感覺上，睇咗專科個心都定咗ｄ，話哂同睇普通西醫唔同，起碼佢用一枝棒按下我的舌根，再用一枝長的棒連鏡子的，睇個咽喉，還吩咐我千祈咪再攪個鼻，就算ｄ血結了焦，都不要去碰它，以免再滲血．

希望食埋這五日藥冇事就好啦．真係好驚架嘛．