鼻炎跟進篇

上回講到鼻腔唔舒服，睇咗兩個普通科醫生，都冇乜進展及至走去睇埋個專科醫生，開咗五日藥，今天已是服藥的最後一天，鼻子仍有出血。

大大話話已食咗十四天藥啦，何解一Ｄ進展都冇架。這兩天個頭仲痛得好犀利，感覺好似Ｄ血管係度漲吓漲吓咁，簡直頭痛欲裂。

猛然醒起餅媽話佢識得有個耳鼻喉專科，儀器齊全，有些儀器仲係得某間大私家醫院同這位專科醫生至有咋。

雖然，我早前睇開那個都係叫專科醫生黎，但食咗五日藥，都係冇進展，本應仲要去覆診，我倒不如睇餅媽介紹個果啦。

二話不說，留言給餅媽，我想要地址電話。餅媽同餅爸都話若仲係滲血，可大可小，唔好再拖，餅媽仲立刻幫我預約埋添－今天下午四時。（麻煩哂餅媽）

去到，經醫生詳細檢查：用一條導管，經鼻，再經咽喉。發覺鼻腔內仍然紅腫，有血泡。。等等。再落些，咽喉和喉嚨都冇野。

到檢查耳仔，用一枝類似音差的物件，哼一吓，然後分別放在我左耳及右耳，問我邊隻耳仔聽得清楚Ｄ。我話左耳細聲，右耳大聲。醫生同我講，我咗耳耳膜穿咗個小洞，唔怪之得我左耳有時ＶＶ聲啦。

再用一枝鐵棒的東西，放在我鼻子下，呼口大氣，然後見到枝鐵棒左邊水氣明顯比右邊少，左邊有鼻塞的情況。

還問我有否頭痛，剛啱我這兩天痛到屎屎吓，佢度吓我Ｄ血壓：上壓１５９，下壓１０７。

佢話我血壓高。我比了醫生睇我先前睇九龍旺中專科醫生所開的藥。看罷，佢話：唔怪之得你血壓高啦，Ｄ藥太勁啦。叫我唔好再食啦。其實Ｄ藥食剩最後一次呢。

再問我，有冇養寵物，我答有。佢話就算你養咗好耐，可能突然之間都會對佢有敏感。（心想：就算係，我都會繼續養Da仔的，絕不會唔要佢架）

其後，醫生比咗枝藥膏塗鼻，和開了兩種藥，早晚各服一次。終算有些安慰食兩種藥。早前睇個Ｄ醫生，要食成六，七種藥，真係驚個肝頂唔順呢。

取了鼻腔的分泌物去種菌。（要自己攞去化驗所，同埋在化驗所抽埋血）。

診金連藥費

埋咗單，又立刻攞埋個鼻腔分泌樣本，過去另一座建築物內的化驗所。

去到化驗所，擺底樣本，等咗一陣，就叫我入內抽血啦。我問姑娘，我要驗Ｄ乜。她說：都有好幾樣吓架，如：鼻泌物，白血球，鼻咽，空氣敏感原。。等等。

又埋單啦

醫生話：可能係惡菌黎。等化驗報告出咗，e-mail通知我，應該唔使再覆診喎。

希望鼻鼻快Ｄ好番啦

Da仔，無論個報告係點，媽咪都唔會離棄你架