搬咗黎沙田，都住咗十多天，因執屋關係，都好少玩煮飯仔
今日，見得閒，就走咗去沙田街市買餸煮飯啦
初黎沙田街市，真係茫無頭緒
都唔知邊檔Ｄ魚靚，邊檔Ｄ菜好，總之就如大鄉里入城咁，踱黎踱去，都唔知買乜餸好
現在餸菜一Ｄ都唔平，樣樣都加哂價，同埋大節當前，Ｄ海鮮都係海鮮價呢
平時食開Ｄ肉蟹，約六十零蚊一近，現在已升到九十大元一斤精明師奶的我，呢Ｄ過時過節的日子，梗係唔買黎食啦
求其買Ｄ，就返歸啦
西洋菜紅蘿蔔排骨湯
（紅蘿蔔在中午，我當飯食，食哂
）
撈起Ｄ菜，鴨腎，排骨，加些蠔油，又多一碟餸
梅菜蒸鯇魚腩
蝦醬冬菇蒸肉排
加條潤腸落飯度，一齊蒸，攪掂
雖然簡簡單單，但一家人坐埋一齊食，感覺良好喔
甘太，沙田正街街市出名數一數二貴 。
回覆刪除[版主回覆12/21/2010 22:13:00]係呀, 我真係唔知吖. 但D餸真係好貴. 大埔街市就平得多, 靚好多, 兼多海鮮選擇. 沙田得一二檔咋, 仲係好少款揀呢. 如龍利葉, 大埔十蚊三至四兩, 但沙田十蚊二兩咋 真係有排挨貴餸囉
我樓下街市今天的海鮮又不是特別貴喎..我今天買左條石班只是60元..看到游水海蝦都只是64元一斤..
回覆刪除[版主回覆12/21/2010 22:38:00]早知去你度痴餐啦
等我搬左大屋才招呼你啦
回覆刪除[版主回覆12/21/2010 23:04:00]到時使唔使我幫你煮番幾味呀
咁好餸都話簡簡單單你真客氣，好多人都會話食過世都願囉。嘻.....
回覆刪除[版主回覆12/21/2010 23:04:00]真係冇乜諗頭, 求其買咋 這個街市, 唔係我地頭呢
幫我煮..當然好啦
回覆刪除[版主回覆12/21/2010 23:20:00]你我都識煮, 你唔嫌我阻住, 就得啦
Da仔慣未吖？仲有無京京吖？
回覆刪除[版主回覆12/21/2010 23:20:00]好咗好多啦, 這一兩天有在地上曬肚肚, 應該適應過來的, 謝謝關心呀
都唔簡單啦, 我個d碟頭嘢就真係簡單啦.
回覆刪除[版主回覆12/21/2010 23:24:00]你個D梗係唔簡單啦, 又韓國醬, 又年糕咁, 一D都唔易架
我從來未試過在家開party架..要我煮咁多味餸..都幾頭痕架..咖哩雞亦和沙律我都算拿手既..
回覆刪除[版主回覆12/21/2010 23:31:00]禾唔食咖哩雞翼架, 你整比其他卜友食啦
我煮既咖哩雞亦真係好好味架喎..你點都要試食一隻亦一舊薯仔..
回覆刪除[版主回覆12/21/2010 23:38:00]嘩, 咖哩雞禾唔食, 更可況係撈埋一齊的薯仔 但如果不太辣, 我都會試吓GE
謝您謝您..
回覆刪除[版主回覆12/21/2010 23:47:00]甭客氣
我都係好鍾意食煲湯o既紅蘿蔔
回覆刪除[版主回覆12/21/2010 23:55:00]其實我較喜歡食白蘿蔔, 但午飯食咗2個迷你麵包仔, 所以咪撈埋D蘿蔔黎食囉, 因佢2仔爺都唔吼架
我d朋友係沙田住，但係就走去大埔買餸，話係平好多喎！
回覆刪除[版主回覆12/22/2010 13:08:00]咪係, 禾由大埔搬出去沙田暫住, 幾唔慣呀, D餸超貴呀
識唔識去禾輋街市？呢個平啲喎。不過由新城市行過去要十五至二十分鐘喎。
回覆刪除[版主回覆12/22/2010 13:07:00]我現在識行去沙田街市咋, 禾輋, 係邊樹架
原來沙田街巿D野貴大埔好多噃~~Da 仔開始適應新環境就好喇﹗
回覆刪除[版主回覆12/22/2010 13:07:00]貴都算啦, 又唔係買得多, 但重點係唔知邊檔好, 唔似大埔街市, 我買開熟個幾檔嘛
我搬番香港都覺得物價貴過九龍好多，平均15-20%呀！ 甘太你放假放到幾時呀？
回覆刪除[版主回覆12/22/2010 13:05:00]香港區係上等人住嘛 禾唔係, 你至係
我28號番工呀
聞到飯香呀!
回覆刪除[版主回覆12/22/2010 13:04:00]自家煮, D飯都好味D架
你快d搬番黎大埔啦, 一田超市開左喇, 雖然新城市樓下都有一田, 但大埔超級城靜左咁耐, 依家人頭湧湧, 好多野賣, 好鬼熱鬧呀~~
回覆刪除[版主回覆12/22/2010 13:04:00]最快都要半年後呀
我超鍾意食西洋菜=] 紅蘿蔔一次食咁多會唔會唔係咁好啊, 聽我個同學講過多胡蘿蔔素個人會黃D橙D @@,
回覆刪除[版主回覆12/22/2010 16:40:00]我知吖, 食太多胡蘿蔔係會變黃的, 因我個仔細時食得多, 成個BB黃kumkum咁, 後尾醫生話係食得太多胡蘿蔔素喎
甘太手勢好好，睇落就知味道一流
回覆刪除[版主回覆12/22/2010 16:38:00]邊樹係呢
現在咩送都貴哂，無法貴係捱幾個月
回覆刪除[版主回覆12/22/2010 23:06:00]係啦，Ｄ錢唔見使