禾有壓力??

　

踏入十二月份，屋苑大維修第三期，也是最後一期，已殺到埋身啦。

窗外已搭好棚架，承建商也約好上門拆冷氣機，這一切一切，意味著禾要加快步伐，搬出去啦。

這一排，開始執拾家中物件，真係唔搬出去，就唔知家裡有好多東西都係白放的。例如，廚房的櫃頂放咗一些用具，原來十年都係冇郁過，所以趁今次，就黎個了斷，通通棄掉，有些還未開封過的瓦煲，杯碟等等呢。又例如，儲儲埋埋Ｄ環保膠盒，都一併棄掉，眼不見為乾淨。

我將要棄掉的物品，放在後樓梯的垃圾箱旁，一袋一袋的，好讓清潔工人見到，若啱用，都可拿走。總好過掉入垃圾桶中，整爛咗或弄髒呢。

晚上出外食完飯，番入屋前，往後樓梯望吓，我一袋一袋的東西，全部給清潔工人取走咗啦。

唔知點解，可能遷出的日子越黎越近，自己家中又要大裝修，又要諗租住的地方那邊，攪到我開始諗好多野，左諗，又諗，可能就係咁，個頭開始勁痛，下午，仲痛到想嘔添。我亦懷疑當時自己的血壓係標升緊呢。

後尾，食咗粒止痛藥，好番Ｄ。

其實，真係好多野都未執好，我係一個緊張大師黎，我已盡量叫自己放鬆，不要太著意每一件事，要relax。

這倒還是其次，禾最著緊的是寶貝Da，驚佢唔適應新環境呢。

希望自己能放鬆點吧！！