昨天，終於可以照正常放工時間啦
一年一度的大project終於叫告一段落啦，就算再有問題黎，都有零零碎碎一兩條，應該不用加班，可在辦工時間內攪掂的
係就係準時放工，但都要成八點幾先食晚飯喔
因為Panda爸番咗上去大陸訂腰線同埋訂7度門，再加上深圳塞車，故此番到沙田已八點幾啦。
冇緊要啦，我加班個兩個禮拜，佢都係等埋我先食，所以我都樂意調番轉等番佢架
近近地落番樓下新城市的紅螞蟻，但都要等七八張檯，都照等啦，星期五特別多人。到有位時，剛好Panda爸到。開餐啦
Panda爸今次都唔例外，又係叫番豬扒定食
亞仔的三文魚闊條麵
我的酸菜雞扒麵
今次叫呢個，就［lai野］，酸菜以為係鹹酸菜，點知那些酸菜夾雜住指天椒，還要係綠色個隻，同酸菜一樣色，一個唔覺意，同酸菜一切食，實辣屎禾都得啦
還有，酸菜味較到睇落唔辣，食落就有一種麻辣的感覺，加上雞扒又唔滑，成碗我都係食咗三分二，真係頂唔順個種麻辣味。放棄算數
心想，食得辣的朋友，可能覺得唔辣兼ＯＫ，但我真係食唔到囉
終於大功告成！放鬆下啦！今晚煮餐勁嘅慰勞下自己！！
回覆刪除[版主回覆03/19/2011 23:27:00]都係食Ｄ簡簡單單的餸菜咋
我昨日都係食日本豬扒定食. 辛苦左一倫要休息翻吓.
回覆刪除[版主回覆03/19/2011 23:29:00]我都唔敢講放假，但工作正常番, 跟番軌道, 我已好開心架啦
我剛更新左
回覆刪除現在又要趕住去返工..今晚回家才睇係寫左乜..
[版主回覆03/19/2011 23:29:00]OK
唔駛再開OT，Da仔就最開心啦
回覆刪除[版主回覆03/19/2011 23:26:00]係啦，都有番Ｄ精神同佢玩吖嘛
豬扒定食好多配菜咁啵
回覆刪除[版主回覆03/21/2011 00:49:00]呢個好底食, 咁多野都係六十零蚊咋
豬扒定食
回覆刪除[版主回覆03/21/2011 00:49:00]原來你都鐘意食
太好喇, Panda仔唔駛夜夜等娘歸
回覆刪除[版主回覆03/21/2011 00:49:00]係呀, 禾都好掛住DA仔架
回覆刪除樣完全唔似辣
[版主回覆03/21/2011 00:48:00]你咪比佢呃到吖 呢碗野好古惑架
阿仔碟嘅三文魚D魚係邊？？
回覆刪除[版主回覆03/21/2011 00:47:00]中間個舊橙色物體就係架啦
你就好喇, OT 都有限期
回覆刪除有完嘅一天, 禾仲有排捱丫
[版主回覆03/21/2011 11:00:00]係呀, 咁加油喔
好嘢，我地可以去食個Lunch了！！
回覆刪除[版主回覆03/21/2011 16:37:00]係喎, 同你食齋好唔好?
非常好，請問去邊間？幾時去呀？？早些通知我，星期三可以嗎？我老細星期三放下午喎！！
回覆刪除[版主回覆03/23/2011 21:30:00]我同你食完齋啦，才記得覆你
咁樣真係好抵喎!六十零蚊
回覆刪除[版主回覆03/23/2011 21:30:00]不妨試試