前三天，喉嚨發炎，食咗三日西藥，應該好得八八九九啦啩。怎知今天變咗傷風咳添.gif)
唔再食西藥啦，轉睇中醫。醫師比咗半天病假我。
番到公司，問老板可否放半天病假，老板叫我幫佢做埋Ｄ野才走。所以攪到成一點先走人。
心想，早前西醫已比病假我，但我冇攞到，就係知多野做，但今次，我真係想番歸大覺瞓，所以今次我決定咗要放個半日病假。
番歸途中，心中已盤旋今晚餐飯食乜好，講真，真係唔多想出街食啦，個人又唔係咁舒服，於是諗諗吓，就在超市買咗條魚，一包菜，义燒一條，一盒豆腐。
番到屋企，即刻上床大覺瞓，一瞓就瞓到五點有多，瞓醒個人真係好好多，休息真係好緊要呢
睇吓我同Panda爸食咗D乜啦.gif)
粟米蛋白豆腐羹
义燒臘腸
蒸紅鮋
蠔油汋菜
抖足精神，明天又要番工捱世界啦
感冒不可以吃臘味的。
回覆刪除[版主回覆03/28/2011 23:07:00]係呀, 我唔知喎. 都係食半條臘腸, 應該唔怕啩, 但都謝謝旺媽提醒
咦？感冒唔吃得臘味？ 甘太快啲好番啦！如果明天都係唔妥攞多日假，長命工夫長命做呀！
回覆刪除[版主回覆03/28/2011 23:16:00]中醫話仲有少少手尾啫, (可能早前食咗三天西藥啦), 冇乜大礙的, 謝謝關心
我看開的中醫說的，凡是有病就要戒口。滷水啊!臘肉啊!一切都要戒，要十日。我就戒5日左右，因為餵食。
回覆刪除[版主回覆03/28/2011 23:32:00]明白, 都係個一兩舊仔, 應該唔怕的, 但都謝謝旺媽的溫馨提示喔
原來你病左幾日呀..最近真的很多人感冒..我昨晚瞓落床之後轉下身突然好頭暈..不過我沒有理會繼續瞓..半夜4點去床去洗手間時都仲係暈暈地..搵支雞精飲左又繼續瞓..不過瞓到今早11點起床落地還是好暈呀..頭暈真係好難受..後來又食止暈藥又搽藥油..年紀大機器壞
回覆刪除[版主回覆03/29/2011 09:38:00]係咪耳水不平衡呀, 睇吓醫生好喎
妳唔舒服，應該食得清啲，再戒清啲啦
回覆刪除[版主回覆03/29/2011 09:37:00]知道, 謝謝關心
休息最緊要, 早點睡最佳良藥!
回覆刪除[版主回覆03/29/2011 10:28:00]知道
病病都有心機買餸煮飯, 勁勁, 比我就唔得了, 我咩都諗唔到架, 淨係想第一時間返屋企瞓
回覆刪除[版主回覆03/29/2011 11:05:00]我都好想第一時間番歸瞓, 但唔想又出番去食晚飯, 所以買d餸自家煮, 唔使動身出去食嘛
博還博要注意身體才好呢！多多休息呀。
回覆刪除[版主回覆03/29/2011 11:45:00]知道, 謝謝關心喔
做人老婆真係唔簡單，病倒都要顧住今晚餐飯，辛苦妳呀！！
回覆刪除[版主回覆03/29/2011 12:18:00]煮飯對我黎講, 又唔係太難ge
感冒最緊要係有充足的休息! 希望你早日康復啊
回覆刪除[版主回覆03/29/2011 16:49:00]已到尾聲啦, 應該好快好番的, 謝謝關心喔
病仲煮飯？！
回覆刪除[版主回覆03/31/2011 16:24:00]禾賢良淑德嘛