人到中年之跟進篇

1月10日那天，中午仍頭痛痛

，故此＂的起心肝＂走去睇西醫啦。

到了診所，給過往的血壓指數比醫生睇。當然他沒理會那堆數字啦。就用佢診所的水銀血壓計幫我量。量完後，佢話下壓係有少少偏高

。照現時黎睇，不算太嚴重，可能是感冒引至頭痛。我話我食咗必利痛都冇用喎，佢就話醫頭痛仲有好多種藥架嘛。他還說電子儀器，未必咁準確，還叫我下次可帶埋部機和佢部水銀機一齊量吓，就知道電子儀器相差有幾多度。

醫生開了一些感冒藥，喉嚨發炎藥，維他命和喉糖。三日藥，一百八十元。

到了今天，又真係好咗好多喎，頭痛冇咗，個人得咗

。經過今次，可能係一個警號話比我知，要小心飲食。

今早，雖然大埔區勁凍，個口仲出煙呢

但我又去逛我的至愛－街市啦

。菜單如下：

１－西洋菜羅漢果陳腎煲唐排

２－梅菜蒸鯇魚腩

３－西蘭花伴牛柳

 

頭唔再痛後，個人的情緒亦冇咁負面，再冇成日諗埋一些唔好的事情，有時真係壓力是自己造成的。

好多謝朋友，親戚和卜友們的留言及問候和關心

。在此再一次多謝你們。我的心情已好番好多了。