聖誕日那天，Panda爸去長洲釣鱸魚，我就約埋班舊同學在西區同學家裡攻打四方城啦
當天，早上十一時已接到Panda爸的來電，話有魚加料咁話喎
他起了一條十多斤重的鱸魚呢
條魚實在太大條，當晚我們只食上半截，起肉炒球，個頭就用支竹豆腐炆，好好味
（當日冇帶相機，見諒）
當晚，吃過晚飯，Panda爸將餘下的尾斷，車去給朋友享用．恰好她２６號有大食會，咁就正哂啦
朋友將條鱸魚尾起肉，配以甜豆，睇個樣都知好味啦（相片由朋友提供）
下半截都咁大條，可想以知，條魚真係好巨架
～～～～～～～～～～～～～～～～～～～～～
昨晚收到朋友call，邀請我同Panda爸去食晚飯兼飲鱸魚骨湯喎．她將ｄ骨加埋Panda 爸的４條石釘，攞黎煎湯，諗起到口水流流呢
啖湯甜到不得了，正
薑葱生蠔
炒雜菜
豉汁蒸白鱔
蒸三色腸（臘腸，潤腸，鵝肝腸）
數字排骨
謝謝朋友她們一家熱情的款待
哇..真係好大條呀.... 真係釣番黎架.. ? 咁咪好重
回覆刪除[版主回覆12/28/2009 23:35:00]PANDA爸係長洲釣架. 重十餘斤, 成條魚已有廿幾人品嚐過架啦
我見過條鱸魚..真係好大條好重!
回覆刪除好想食豉汁蒸鱔~~
[版主回覆12/29/2009 00:07:00]叫大王整啦
嘩！甘生好叻呀！條魚好大呀！
回覆刪除[版主回覆12/29/2009 10:26:00]元旦日, 佢又去釣鱸魚啦
甘生真係巧勁呀
回覆刪除[版主回覆12/29/2009 10:25:00](Empty)
條魚咁重, Panda爸點樣將佢由水中抽上船?
回覆刪除[版主回覆12/29/2009 10:25:00]panda爸隻手指已纏上膠布, 條魚郁得好勁, 仍被條魚絲戒爛咗塊膠布, 手指都損埋添, 魚的力量真不可看少呀
條魚真係好大條呀，甘生好勁~~
回覆刪除[版主回覆12/29/2009 12:08:00]e+係釣鱸魚季節呀
回覆刪除條魚真係好勁喎~!
[版主回覆12/29/2009 14:22:00]這條十多斤的魚, 有廿幾人食個呢
甘太, 甘仔有無同你講佢斷一口, 甩一口tim呀? 如果佢起埋個兩條, 甘家成個禮拜早午晚3餐食鱸都食唔哂囉.....
回覆刪除[版主回覆12/29/2009 15:59:00]唔係呀嘛, 搵d咁ge野攪
長洲都有咁大條魚釣，甘生真係勁！
回覆刪除[版主回覆12/29/2009 16:09:00]元旦日, 佢又去釣啦
Panda爸爸真是一各釣魚高手!
回覆刪除[版主回覆12/29/2009 16:21:00]有時都好講運氣架
豉汁蒸鱔我都喜歡食..好味
回覆刪除[版主回覆12/29/2009 22:47:00]係呀, 我食咗2碗飯
PANDA 爸巧勁呀, 時時都有海魚食 典解碟排骨叫數字排骨呢
回覆刪除[版主回覆12/29/2009 22:47:00]所以佢好少係出面酒樓叫魚食呢 數字排骨, 我冇記錯的話, 應該係一匙豉油, 二匙糖, 三匙醋, 4匙水, 至於五, 忘記咗, 大概係咁啩 (總之就用1, 2, 3, 4, 5的份量煮成, 就成為數字排骨啦)
我今晚食果條係魚毛呀！
回覆刪除真係小魚見大魚囉！哈哈！
[版主回覆12/29/2009 22:39:00]PANDA爸撞啱手神啫
PANDA爸好厲害啊，有新鮮魚吃又咁大條，一定好好食呢！你家中貓貓食唔食魚呢？我兩貓麻麻地食魚嫁咋，蝦蝦就係佢地至愛呢．間唔中比少少少咋，因怕佢地食得多水銀，對身體唔好啊．．．
回覆刪除[版主回覆12/29/2009 23:18:00]禾ＤＡ仔唔食鮮魚同蝦架，至鐘意食罐罐同乳酪架 你旅行完番咗黎啦，好唔好玩呀
勁
回覆刪除[版主回覆12/31/2009 09:51:00]謝謝讚賞
甘ee，數字排骨是一湯匙酒，二湯匙醋、三湯匙糖、四湯匙醬油﹙二匙生抽及二湯匙老抽﹚，五湯匙水 (約 75ml ) for 排骨一斤。
回覆刪除[版主回覆12/31/2009 23:41:00]唔該哂你呀, 我N年前煮過, 跟方太學的. 現在老啦, 冇乜記性