今天，真係做得甘囉
一早，走去街市買餸煮晚飯。返歸後，拿拿淋，煲落湯，炆定個肉，又開始pack箱啦
係咁執，係咁執，又比禾地一口氣執咗十一箱，連之前個十箱，暫時pack咗有二十一箱呢
由朝企到晚，到煮飯時，雙腳已攰到屎屎吓，清潔埋廚房，禾同自己講，今晚唔會再執野啦
晚飯都係整Ｄ簡單野咋
煲咗個湯，湯料有：
西芹，蘋果，紅蘿蔔，馬蒂，木耳，蜜棗，瘦肉
煲咗２粒鐘，飲得啦
買咗條油杉斑
唔記得買蔥，就咁比幾片薑頂住先
花菇髮菜炆腩肉
蒸水蛋
食飽飽，
沖埋涼後，就坐定定睇台維斯盃網球賽啦
Da仔有野講喎
Da仔梗係掛住八卦您哋執嘢，無去瞓晏覺啦
回覆刪除[版主回覆12/04/2010 23:34:00]係呀, 我地有少少聲咋, 佢都好緊張, 佢邊有得瞓吖.
嘩!
回覆刪除咁忙都炆、蒸、煲....服了你!
[版主回覆12/04/2010 23:35:00]潮洲女人, 最捱得嘛
而家執咗幾多成呀？ 今日我哋常常提及你呢！有無打噴嚏呀？
回覆刪除[版主回覆12/04/2010 23:39:00]執咗四成啦. 我都有想起你們架. 只是撞啱我要pack箱, 咪我實同埋你地癲番晚呢. 你地就好啦, 大笑, 大喝, 大食, 大玩, 茅禾份
佢哋（小妹媽、豆丁媽、罐罐）仲有下場，話去hea個tea又話去餅媽處，跟住接皮媽放學，再去打邊邊添… 我就約咗母親中途離場咯
回覆刪除[版主回覆12/04/2010 23:47:00]佢地頭先有打比我呀, 又係酒樓嘈到拆天啦, 我仲以為你在場添.
我無去呀！約咗呀媽吃飯，結果買咗個6公千的真空煲，唔驚唔夠湯飲啦！哈哈！
回覆刪除[版主回覆12/05/2010 15:58:00]禾係湯怪黎, 算你識做啦
我剛下班回家洗完澡..做左3日可以休息5天10號再做一天放班..
回覆刪除[版主回覆12/05/2010 15:57:00]我星期六執野執到屎屎吓呀 雙腳勁攰
烏冬: ee, 你唔好咁辛苦煮飯, 買外買la, 執嘢真係好辛苦.
回覆刪除[版主回覆12/05/2010 15:56:00]烏冬乖, 禾想清吓D屋企食物, 拎少D得少D嘛
甘太..今晚你有冇玩煮飯仔呀
回覆刪除[版主回覆12/05/2010 23:25:00]冇呀, 係咁執野
仲有時間煮飯丫, pack好未丫.
回覆刪除[版主回覆12/05/2010 23:25:00]梗係未啦, 禾自己間房都未郁過呀
甘太，琴日我哋好掛住妳 ，不停由下午開始喺度話打 給妳。妳有冇打乞嗤呀？
回覆刪除[版主回覆12/05/2010 23:41:00]我pack箱pack 到傻咗, 冇打乞嗤呀
你都好野仲可以 cooking
回覆刪除[版主回覆12/05/2010 23:45:00]唉, 執開野, 間屋七國咁亂, 重邊度有心情出去食呀
皮媽笑到 dream of u ar
回覆刪除[版主回覆12/05/2010 23:48:00]係咪仲係度激我呀 你地就好啦, 笑到爆, 禾就做到屎屎吓
我見到要咁執，我都怕....
回覆刪除[版主回覆12/06/2010 16:39:00]總之就大工程係啦
記住搬屋前盡量清晒雪櫃內的食物，過到新屋果邊先再入貨啦！！這樣妳會好做好多了！
回覆刪除[版主回覆12/06/2010 16:38:00]清咗好多啦, 只係淨番d飲品
無了甘太在場個個都好攜掛住你 你快的執好野來食食食、笑笑笑
回覆刪除[版主回覆12/06/2010 23:55:00]這個當然啦, 禾要的重味的芝士蛋糕架 (不過千祈唔好係朱古力味呀 )