10月7日, 三哥一家, 三嫂妹妹和妺夫, 和我們一家, 共九口人, 浩浩蕩蕩殺入新娘潭bbq, 好在天公造美, 冇雨落, 直到有雨落時
, 我們已食飽飽, 準備撤退了.
三嫂預備食物, 有海鮮類 : 帆立貝, 九孔鮑, 美國大筒蠔, 海蝦, 青口.
肉類 : 牛仔肉, 牛扒, 豬扒, 雞翼, 咖哩魷魚, 羊扒, 獅子狗, 豬肉腸.
當然唔少得的燴日本蕃薯, 同粟米啦.還有, 燒棉花糖同埋甜麵包, 記得如燒棉花糖, 就要買專係為bbq的棉花糖呀, 非常美味, 外脆內軟, 正, 正, 正.
三嫂的妹妹就帶了自家煲的五花茶, 酸梅湯, 菊花茶.
而我們就帶了冰筒, 內有汽水, 益力多, 罐裝咖啡, 小麥草汁.
當天天氣實在太好啦, bbq期間, 我們各人都冇流過一滴汗, 涼涼地, 很舒服呢.
實在很久沒有bbq啦, 大家坐埋一齊, 有講有笑, 真的感覺良好.
帆立貝, 好好味
蠔, 都唔錯架
大蝦.... 正
青口, 甜到不得了
鮑魚, 鮮味更加唔使講啦
在這裡, 多謝亞嫂整了咁多好野食
返家後, 梗係要同寶貝仔影吓相啦, 佢在家裡悶咗成日喎
晚上, 實在再吃不下肉類啦, 我煲了四匙麥皮食和一蝶菜就算啦, bbq個餐, 真的已超哂quota啦.
F
回覆刪除