睡不好

昨晚深夜3時左右，被da仔類似咳聲嘈醒．拿拿淋走去睇吓佢發生乜事．那種聲音，不知是打噴嚏定或咳嗽聲，都係咪啦，即刻比件小背心佢著住先

等今朝一早，帶佢睇醫生．漫長的夜晚，真希望你行快ｄ就好啦．濛濛朧朧中，還發了一個夢．．〔好不容易才等到九點，即刻打去預約．點知診所職員話今天滿額，明天請早．聽罷，點求職員行個方便都不得要領，頓時急得哭了出來．．．〕

跟住，就醒了．成個人散哂咁，應該是昨晚睡得不好的緣故吧．成晚要走去搵亞da仔，抱佢同我瞓，不久，da仔又走出廳，成晚就係咁，捉黎捉去．

到九時左右，去到診所，在我之前有三個，幸好都不是等太耐．

上吓磅先: (寶貝仔現時重3.7kg-8.14磅. 比起在05年時的3.5kg-7.7磅，重了0.2kg，唔知重得咁少，正常嗎？)

經獸醫一輪檢查後，冇發燒，喉嚨冇野阻住，一切無恙，可能喉嚨有ｄ毛'痴'住咗，寶貝仔想咳番出黎咁喎．因牠是長毛貓，醫生叫我買枝吐毛膏比da仔食．還說我可外出買，但就冇診所賣的牌子啦，是直接從澳洲購入喎，售價$160．貴出面其它的牌子好多，都唔理啦，只要對寶貝仔好，即買．

其後，鬼婆獸醫見我過了成２年幾都未打防疫針，順道打埋，仲話我隔得太耐才去打，下個月要補多一針，其後就要跟番年年打啦．

我問，有ｄ人話防疫針可三年才打，但助手解釋說，聽就聽過，但仲未證實可以預防三年喎，對貓咪黎講，還是每年打好ｄ．

哎，真係比三年同一年攪到我頭都大哂啦

攪完一輪，盛惠四百個大洋($240+$160)才可放行

講真，我寜願自己抱恙，都絕不想Da仔病呀．(夢中一聽到話無籌，真係喊到屎屎吓吖)

Da仔，媽咪在這裡祝你身體健康，活潑精靈